- O 15 de maio de 2025 continúa o ciclo de 12 Xornadas formativas sobre oportunidades de negocio, cunha sesión dedicada á resina.
- Será online e a inscrición é gratuíta.
- Para inscribirse, é necesario completar este formulario.
AGACA continúa o ciclo de xornadas formativas sobre oportunidades de negocio que se poden desenvolver no rural galego o 24 de abril, cunha xornada en liña dedicada á produción do té galego, de 09:30 a 14:30 horas. É a sexta cita do ciclo, no que se prevén 12 xornadas.
Contará con charlas de empresas que traballan resina en Galicia e Portugal e con entidades produtoras do produto.
Programa
09:30 – Conexión e benvida a participantes. Presentación dos obxectivos da xornada.
Higinio Mougán. Director-xerente de AGACA.
10:00 – Introdución á extracción de resina como oportunidade de negocio en Galicia.
Demetrio Bedriñana. Técnico de AGACA.
10:20 – O mercado e comercialización da resina en Galicia e España.
Erika Martínez. Foresin.
11:00 – Aspectos técnicos na extracción de resina nos montes de Galicia.
Francisco Domínguez. Experto en formación de resineiros.
12:00 – Descanso.
12:10 – Resinación mecanizada, produción e rendibilidade.
Jesús Eirín. Xagoaza Pinaster.
12:50 – Alternativas de viabilidade económico-financeira e de xestión na extracción de resina.
Marco Ribeiro. Asociación Resipinus (Portugal).
13:30 – Produción de resina nos montes de Baroña.
Ovidio Queiruga. Presidente Comunidade de Montes Veciñais en Man Común de Baroña.
14:10 – Preguntas e suxestións.
Participantes, relatores e equipo organizador (AGACA).
14:20 – Conclusións, comentarios finais e clausura.
Higinio Mougán. Director-xerente de AGACA.
14:30 – Fin da xornada.
XORNADAS FORMATIVAS SOBRE OPORTUNIDADES DE NEGOCIO
Os obxectivos do ciclo, que está previsto que inclúa 12 xornadas, cada unha dedicada a unha oportunidade de negocio, son: explicar as vantaxes e oportunidades do emprendemento cooperativo, especialmente en cooperativas agrarias, de explotación comunitaria e de traballo asociado; promover o coñecemento de novas producións agrarias e gandeiras en ámbitos agroalimentarios de interese crecente en Galicia como oportunidades de negocio; impulsar a xeración de emprego cooperativo nos procesos de produción agraria e/o gandeira e fomentar a fixación de poboación no rural na contorna das cooperativas.
As xornadas, de libre acceso previa inscrición, son de especial interese para persoas socias das cooperativas agroalimentarias, así como para aquelas vinculadas coa economía social.
Para máis información pode chamar ao 981 58 47 83.
Esta actividade enmárcase no programa de actuación 2025 da Rede Eusumo. A Rede Eusumo é unha rede de colaboración impulsada pola Secretaria Xeral de Emprego e Relacións Laborais da Consellería de Emprego, Comercio e Emigración para o fomento do cooperativismo e a economía social que conta co financiamento do Ministerio de Traballo e Economía Social.
