- O Clúster Alimentario de Galicia convoca estes galardóns para incentivar a promoción dos produtos alimentarios e bebidas galegas, dos proxectos e das empresas e institucións relacionadas, ademais de para mellorar a súa imaxe e posición de forma que adquiran unha importancia relevante tanto dentro do sector alimentario, como da sociedade en xeral.
Premiaranse tres categorías:
– Premio Galicia alimentación ao produto innovador do ano: para situar o sector alimentario galego como provedor de produtos alimentarios seguros, funcionais e de calidade diferenciada a través do desenvolvemento de novos produtos.
– Premio Galicia alimentación ao proxecto empresarial do ano: para un proxecto innovador ou empresa de especial relevancia, destacada ou singular que se caracterice pola súa innovación en organización, produción, mercadotecnia e/ou modelo de negocio, que desenvolva produtos ou servizos innovadores no ámbito da alimentación e as bebidas.
– Premio Galicia alimentación á internacionalización: para galardoar o esforzo de empresas e institucións alimentarias para acceder, desenvolver e consolidar a súa posición no mercado internacional.
• Prazo de presentación de candidaturas: aberto dende o 6 de abril de 2016 ao 6 de maio de 2016 ás 24:00 horas.
• Información completa na web do Clúster Alimentario de Galicia.
