- A oficina de Cooperativas Agroalimentarias de Bruxelas informa sobre a decisión da cooperativa holandesa Friesland Campina, que en decembro anunciou que pagará unha prima aos produtores que non aumenten a produción. Recibirán 2 céntimos por quilo de leite se durante o período comprendido entre o 1 de xaneiro e o 11 de febreiro manteñen ou reducen a súa produción.
O volume de referencia será fixado como media do 13 ao 27 de decembro. Os produtores desta cooperativa aumentaron as súas entregas en 6,4% (600 millóns de quilos) en 2015.
Esta medida é similar á debatida durante a reforma da PAC en vistas á eliminación das cotas lácteas e retomadas cada vez no debate comunitario. Os partidarios de mecanismos de regulación de produción piden que se estenda a toda a UE.
