- O 27 de outubro desenvolverase unha xornada na que se afondará na cultura da prevención de perdas e desperdicios alimentarios.
- A inscrición é de balde.
- Para inscribirse é necesario completar este formulario.
AGACA, en colaboración coa Asociación de Empresas de Inserción de Galicia (AEIGA) e no marco da Rede Eusumo, organiza o vindeiro 27 de outubro de 2025 unha xornada na que se abordará en profundidade na cultura da prevención de perdas e desperdicios alimentarios.
A sesión celebrarase online, pero é necesario inscribirse previamente neste formulario.
Diferentes profesionais e persoas expertas no ámbito da agricultura e a economía circular abordarán aspectos legais, potencialidades, ferramentas e exemplos prácticos para o reaproveitamento alimentario e como previr da mellor maneira o desperdicio e as perdas de alimentos.
Programa previsto
09:30 – Rexistro e recepción das persoas participantes.
9:45 – Presentación da xornada
Herminio Martínez. Presidente de ForoESGal
Jesús González. Secretaría Técnica de AEIGA
Higinio Mougán. Director-Xerente de AGACA
10:00 – Plan de prevención, perda e desperdicio alimentario
Sara Alarcón. Técnica de Proxectos Comunitarios de AGACA.
10:30 – Ferramentas e recursos: Grupo Operativo PDApp
Raquel Díaz. Técnica da Fundación Espigoladors
11:00 – Exemplos de aproveitamento en Galicia
Mel Finca Orgánica. Desperdicio alimentario, unha oportunidad, plan de reciclado.
Víctor Boga. Presidente de Mel Finca Orgánica, S. Coop. Galega
Proxecto Galilyo. Desperdicio cero, transformando os descartes alimentarios
José Piñeiro. CEO de Kiwi Atlántico, S. L.
12:00 – Breve descanso
12:15 –MESA REDONDA
Impacto e potencialidades da prevención de perdas e desperdicio alimentario no sector hortícola da economía social de Galicia
Sara Alarcón. Técnica de Proxectos Comunitarios de AGACA
Fernando Veiga. Xerente de Horsal, S. Coop. Galega
Raquel Freire. Primicias Raíña EIL, SLU
Francisco Martínez. Porta do Río Miño, S. Coop. Galega
13:15 – A Economía Circular na xestión das perdas e desperdicio: Proxecto thERBN
María del Carmen Pertiñez. Técnica de Sostibilidade e Innovación de Cooperativas Agro-alimentarias de España
14:15 – Conclusións
XORNADA FORMATIVA
Os obxectivos desta xornada están orientados a sensibilizar ás cooperativas agroalimentarias e empresas de inserción do sector hortofrutícola sobre a importancia da prevención de perdas e desperdicios alimentarios. Ademais, busca proporcionar ferramentas e estratexias prácticas para implantar medidas efectivas, fomentar a adopción de prácticas sostibles e de economía circular, contribuír á consolidación e crecemento das entidades mediante a optimización de procesos e a redución de custos asociados ao desperdicio, e dar a coñecer oportunidades de negocio e colaboración derivadas desta prevención, en coherencia coa Axenda 2030.
A xornada, de acceso libre previa inscrición, está dirixida a persoas directivas, responsables de produción, calidade e sostibilidade, así como a persoas traballadoras e colaboradoras de cooperativas agroalimentarias e empresas de inserción do sector hortofrutícola da economía social galega.
Para máis información pode chamar ao 981 58 47 83.
Esta actividade enmárcase no programa de actuación 2025 da Rede Eusumo. A Rede Eusumo é unha rede de colaboración impulsada pola Secretaría Xeral de Emprego e Relacións Laborais da Consellería de Emprego, Comercio e Emigración para o fomento do cooperativismo e da economía social, que conta co financiamento do Ministerio de Traballo e Economía Social.
