- O venres, 24 de marzo, no Museo do Pobo Galego (Santiago de Compostela) terá lugar a xornada “Muller e agrocooperativismo en Galicia”.
- Comeza ás 11:00h. e finaliza ás 14:00h.
- Para participar, é necesario inscribirse antes do 20 de marzo nesta ligazón.
“Muller e agrocooperativismo en Galicia”, cuxo obxectivo é dar a coñecer a evolución dos datos da presenza de mulleres socias nas cooperativas agroalimentarias galegas, enmárcase no proxecto SAVES, que desenvolve a Universidade de Vigo en colaboración con AGACA e con apoio da Rede Eusumo.
O borrador da Lei de Cooperativas de Galicia aborda lexislativamente a igualdade de oportunidades nas cooperativas, polo que o proxecto SAVES permite coñecer a realidade actual das mulleres socias nas cooperativas agroalimentarias e abordar a reforma lexislativa con criterios e coñecementos da realidade.
O programa da xornada é o seguinte:
11:00 – 11:10 – Recepción de participantes
11.10 – 11.50 Presenza da muller no cooperativismo agrario galego
- María José Cabaleiro, coordinadora do proxecto SAVES-AGACA na Universidade de Vigo.
11.50 – 12.30 Movementos femininos no agrocooperativismo
- Carmen Rodríguez, Presidenta de Mujeres de Seu e vicepresidenta de CLUN.
- Loli Calvo, Presidenta de la asociación Nós, As Mulleres.
- Higinio Mougán, xerente de AGACA.
12.30 – 13.45 Obradoiro: Muller e agrocooperativismo
14.00 Ágape e visita ao Museo do Pobo Galego
SAVES é unha aplicación desenvolvida por ECOBAS, Centro de Investigación Interuniversitario integrado por investigadores das tres universidades galegas. A aplicación irá proporcionando información vía web sobre a situación e evolución recente do Movemento Cooperativo en Galiza, así como do perfil económico-financeiro das cooperativas galegas, con potencial de expansión futura a todas as entidades da Economía Social. Pretende ser unha ferramenta de traballo útil para todos os actores implicados no cooperativismo, en particular, e na economía social en xeral e está aberta ao público, aínda que con diferentes niveis de accesibilidade.
Esta actividade enmárcase no programa de actuación 2022 da Rede Eusumo. A Rede Eusumo é unha rede de colaboración impulsada pola Secretaría Xeral de Apoio ao Emprego, Traballo Autónomo e Economía Social da Consellería de Promoción do Emprego e Igualdade para ou fomento do cooperativismo e a economía social que conta co financiamento do Ministerio de Traballo e Economía Social.
