AGACA organiza o vindeiro 24 de febreiro de 2026 a xornada Dixitalización nas cooperativas gandeiras no marco da Rede Eusumo. Será unha sesión online orientada a dar a coñecer as tecnoloxías relevantes para o sector gandeiro e os beneficios que poden achegar, ademais de diferentes servizos que poden recibir as explotacións e cooperativas gandeiras no que se refire á dixitalización e adopción de tecnoloxías avanzadas a través dos DIH’s. Na xornada exporanse casos reais de éxito na adopción de medidas de dixitalización e algunhas das ferramentas comerciais que existen.
A inscrición é gratuíta e para asistir é necesario inscribirse nesta ligazón.
Ao longo da mañá, abordaranse as tecnoloxías máis relevantes, como a automatización, a sensórica IoT, intelixencia artificial ou sistemas de comunicación, e presentaranse casos reais de implantación, así como un obradoiro práctico sobre solucións comerciais dispoñibles no mercado.
PROGRAMA
9:30 – 9:45 h Presentación da xornada
Carlos Ares. Adxunto á Presidencia de AGACA
9:45 – 10:05 h Introdución á dixitalización e ás tecnoloxías avanzadas no sector gandeiro: de que falamos, por que e para que
Carlos Castro, DIH DATAlife
10:05 – 11:35 h Inmersión nas tecnoloxías avanzadas clave no sector gandeiro: automatización e robótica, sensores e Internet das cousas, redes de comunicación, intelixencia artificial e big data, drons e sistemas de observación satelital, sistemas de información xeográfica, ciberseguridade e blockchain, realidade extendida e integración e aproveitamento da información
Carlos Castro, DIH DATAlife
11:35 – 11:50 h Pausa
11:50 – 12:20 h Estado de situación e tendencias na implementación de tecnoloxías avanzadas clave
Carlos Castro, DIH DATAlife
12:20 – 13:50 h Casos de éxito de implantacións de tecnoloxías disruptivas e obradoiro práctico en tecnoloxías comerciais: BENIU, SC ROBOTICS, INNOGANDO, CUADERNO DE CAMPO C3, TRIPLE ALPHA, BOALVET
Carlos Castro, DIH DATAlife
13:50 – 14:10 h Servizos de apoio EDIH DATAlife
Carlos Castro, DIH DATAlife
14:10 – 14:30 h Dúbidas, preguntas e respostas
Carlos Castro, DIH DATAlife
14:30 h Fin da xornada
Para máis información pode chamar ao 981 58 47 83.
Esta actividade enmárcase no programa de actuación 2026 da Rede Eusumo, unha rede de colaboración impulsada pola Secretaría Xeral de Emprego e Relacións Laborais da Consellería de Emprego, Comercio e Emigración para o fomento do cooperativismo e da economía social, co financiamento do Ministerio de Traballo e Economía Social.
