AGACA, como entidade representativa do cooperativismo agroalimentario en Galicia e integrada por cooperativas con distintas actividades agrarias, ten dentro dos seus obxectivos promover e divulgar a fórmula cooperativa como modelo empresarial e mellorar a xestión e funcionamento das cooperativas que asocia.
Como consecuencia, e dentro do Programa Transfronteirizo “Transfórmate e crece”, márcase como obxectivo ofrecer un servizo de apoio e asesoramento a empresas, que inclúe dúas tipoloxías de intervención:
- Servizos de apoio a empresas mercantís para súa transformación en organizacións de economía social
- Servizos de apoio aos procesos de desenvolvemento de empresas de economía social
As intervencións a realizar corresponden a servizos de consultaría especializada, mediante unha metodoloxía orientada á obtención de resultados e ao deseño de accións concretas en cada organización destinataria para acadar os obxectivos, coa participación activa dos seus dirixentes.
Temáticas de Intervención Prioritarias:
- Organización, planificación e control de xestión
- Avaliación de impacto
- Marketing e comunicación
- Financiamento e xestión económica
- Liderado e xestión de persoas
- Sistemas e tecnoloxías de informacións e comunicación
- Innovación e emprendemento
- Modelos de estratexia e creación de valor
O prazo para solicitar este servizo de asesoramento abrangue dende o 9 de xullo ao 15 de setembro de 2019.
As persoas interesadas poden consultar máis información sobre o proxecto LACES e sobre Transfórmate e crece e tamén encher o Formulario electrónico de solicitude
Teléfono e e-mail de consulta e información: 981 584 783 De 9:00 a 14.00 horas, de luns a venres. Loli Couso: loli@agaca.coop
PROXECTO LACES
O proxecto LACES: Laboratorios de Apoio á Creación de Emprego e Empresas de Economía Social ten como obxectivo contribuír á promoción e consolidación da economía social na Eurorrexión Galicia-Norte de Portugal para lograr un salto cuantitativo na súa capacidade de xerar e consolidar empregos. Está cofinanciado nun 75% polo Fondo Europeo de Desenvolvemento Rexional (FEDER), no marco do programa INTERREG VA España-Portugal (POCTEP) 2014-2020.
Este obxectivo pretende ser alcanzado a través da execución de programas piloto para a competitividade e impulso das empresas de economía social na área transfronteiriza. Asimismo, o proxecto LACES actuará como fonte de coñecemento e innovación para modernizar as estratexias de promoción e apoio a esta economía solidaria e colaborativa, favorecendo a consolidación e creación de empresas e o emprego de calidade na eurorrexión.
