- O 18 de abril continúa o ciclo de Xornadas formativas sobre oportunidades de negocio, cunha sesión dedicada á crianza de porco celta.
- Celébrase online e a inscrición é gratuíta.
- Para inscribirse é necesario completar este formulario.
O 18 de abril terá lugar unha xornada online dedicada á crianza de porco celta, de 09:30 a 14:30 horas.
Contaremos con relatorios de especialistas na cría e investigación desta raza autóctona galega, provenientes de cooperativas entidades asociativas e investigadoras galegas e tamén cun centro de investigacións de Estremadura, que falará do porco ibérico.
Programa previsto
09:30 – Conexión e benvida a participantes.
Higinio Mougán. Director-xerente de AGACA.
09:40 – Cría e alimentación nas explotacións de porco ibérico.
Mercedes Izquierdo. Centro de Investigaciones Científicas y Tecnológicas de Extremadura – CICYTEX.
10:30 – Características e bondades da carne de porco celta.
Roberto Bermúdez. Centro Tecnolóxico da Carne.
11:10 – A crianza do porco celta e os seus efectos sobre o chan e a biodiversidade.
María Rosa Mosquera. Universidade de Santiago.
11:50 – Breve descanso.
12:00 – Explotación e proxectos actuais de porco celta en Galicia.
Iván Rodríguez. Asociación de Criadores de la Raza Porcina Celta – ASOPORCEL.
12:50 – O modelo cooperativo para a cría e comercialización do porco celta.
Isabel Costas. Tres Fuciños, S. Coop. Galega.
13:40 – Experiencia do porco celta na Comunidade de Montes de O Carballo.
José Manuel Iglesias. Comunidade de Montes de O Carballo.
14:10 – Preguntas e comentarios.
Participantes e relatores.
14:20 – Comentarios finais e clausura da xornada.
Higinio Mougán. AGACA.
14:30 – Fin da xornada.
XORNADAS FORMATIVAS SOBRE OPORTUNIDADES DE NEGOCIO
Os obxectivos do ciclo, que suma 12 xornadas en total, cada unha dedicada a unha oportunidade de negocio, son: explicar as vantaxes e oportunidades do emprendemento cooperativo, especialmente en cooperativas agrarias, de explotación comunitaria e de traballo asociado; promover o coñecemento de novas producións agrarias e gandeiras en ámbitos agroalimentarios de interese crecente en Galicia como oportunidades de negocio; impulsar a xeración de emprego cooperativo nos procesos de produción agraria e/ou gandeira e fomentar a fixación de poboación no rural na contorna das cooperativas.
As xornadas, de libre acceso previa inscrición, son de especial interese para persoas socias de cooperativas agroalimentarias, así como para aquelas vinculadas coa economía social.
Para máis información pode chamar ao 981 58 47 83.
AGACA organiza esta actividade, que se enmarca no programa de actuación 2023-2024 da Rede Eusumo. A Rede Eusumo é unha rede de colaboración impulsada pola Secretaría Xeral de Apoio ao Emprego, Traballo Autónomo e Economía Social da Consellería de Promoción do Emprego e Igualdade para o fomento do cooperativismo e a economía social que conta co financiamento do Ministerio de Trabajo y Economía Social.
