- O 28 de maio terá lugar a sexta sesión do ciclo 2025 de Xornadas formativas sobre oportunidades de negocio, dedicada ao cultivo de cánabo.
- A inscrición é gratuíta.
- Para inscribirse é necesario completar este formulario.
O 28 de maio terá lugar unha xornada dedicada ao cultivo de cánabo, de 09:30 a 14:30 horas. É a sexta destas xornadas dedicadas a dar a coñecer sectores que poden supor unha oportunidade de negocio no medio rural.
A sesión celebrarase en liña, pero cómpre inscribirse previamente neste formulario.
Contaremos con relatorios de produtoras e comercializadores de cánabo, así coma de investigadores e consultores expertos neste cultivo.
Programa previsto
09:30 – Conexión e benvida a participantes. Presentación dos obxectivos da xornada.
Higinio Mougán. Director-gerente de AGACA.
09:50 – Normativa vixente para o cultivo do cánabo – Posibilidades de aproveitamento de fibra e semente – Proxectos rexionais, nacionais e europeos vixentes.
Montse Gómez-Cardoso. Centro Tecnológico Nacional Agroalimentario Extremadura – CTAEX.
10:50 – Aspectos técnico-agronómicos no cultivo de cánabo.
Xaquín Acosta. DANA Agronomics.
12:00 – Transformación e comercialización do cánabo.
Esaú Rodríguez. Consultor independente.
13:00 – Perspectivas do cultivo de cánabo en Galicia.
Xesús Ares e Patrica Quelle. Asociación Galega do Cáñamo.
13:40 – Proxectos de cultivo e transformación do cánabo en Galicia.
Aarón Casado – JUNGSMIND, proxectos I+D.
14:10 – Preguntas e comentarios.
Participantes – Relatores.
14:20 – Comentarios finais e clausura.
Higinio Mougán.
14:30 – Fin da Xornada
XORNADAS FORMATIVAS SOBRE OPORTUNIDADES DE NEGOCIO
Os obxectivos do ciclo, que está previsto que inclúa 12 xornadas, cada unha dedicada a unha oportunidade de negocio, son: explicar as vantaxes e oportunidades do emprendemento cooperativo, especialmente en cooperativas agrarias, de explotación comunitaria e de traballo asociado; promover o coñecemento de novas producións agrarias e gandeiras en ámbitos agroalimentarios de interese crecente en Galicia como oportunidades de negocio; impulsar a xeración de emprego cooperativo nos procesos de produción agraria e/o gandeira e fomentar a fixación de poboación no rural na contorna das cooperativas.
As xornadas, de libre acceso previa inscrición (nesta ligazón), son de especial interese para persoas socias de cooperativas agroalimentarias, así como para aquelas vinculadas coa economía social.
Para máis información pode chamar ao 981 58 47 83.
Esta actividade enmárcase no programa de actuación 2025 da Rede Eusumo. A Rede Eusumo é unha rede de colaboración impulsada pola Secretaria Xeral de Emprego e Relacións Laborais da Consellería de Emprego, Comercio e Emigración para o fomento do cooperativismo e a economía social que conta co financiamento do Ministerio de Traballo e Economía Social.
