- O Fondo Europeo Agrícola de Desenvolvemento Rural (FEADER) aprobou a concesión de axudas aos proxectos liderados por AGACA “Viabilidade do aproveitamento integral dos bosques de castiñeiro da cooperativa”, “Granxas de leite galegas en harmonía coa natureza e a biodiversidade agraria” e “Adhelix, cultivo intensivo de caracol de xardín”.
- A entidade intervén ademais nos proxectos aprobados por FEADER “Deseño de ferramentas para minimizar o impacto sobre o medio natural na aplicación de xurro de explotacións de porcino”, “Leite Plus” e “O Dourado Verde”. Desenvolveranse entre 2016 e 2017.
Granxas en harmonía
“Granxas de leite galegas en harmonía coa natureza e a biodiversidade agraria” responde á crecente perda de biodiversidade no medio rural de Galicia, motivada entre outros factores polo progresivo abandono poboacional e a perda do traballo agrogandeiro.
O proxecto busca mellorar a sustentabilidade natural e a calidade de vida dos animais mediante unha mellor xestión dos residuos procedentes da actividade dunha granxa de vacún de leite. Tras pasala por un sistema de balsas de filtración de residuos, aproveitaríase a auga de efluentes e xurros xerados polas explotacións
Ademais, analizaranse diferenzas producidas por fertilizantes ecolóxicos na materia orgánica e na capacidade de infiltración e retención de auga dos terreos e estudarase a influencia os espazos vexetais no benestar animal.
Desenvolven o proxecto AGACA, o Instituto Galego da Calidade Alimentaria, o Centro de Investigacións Agrarias de Mabegondo, a SAT Casa Grande de Xanceda, a empresa Calfensa Proxectos e o Grupo Naturalista Hábitat. Conta cunha axuda FEADER de 95.286,20 €.
Castaña
Galicia é a maior produtora e exportadora de castaña de España -entre 15.000 e 25.000 toneladas anuais, por valor estimado de 30 a 40 millóns de euros.
O proxecto “Viabilidade do aproveitamento integral dos bosques de castiñeiro da cooperativa” busca potenciar o rendemento de soutos a través da mellora das plantacións de castiñeiro de calidade e a incorporación de producións compatibles con ela, como plantas medicinais e aromáticas ou cogomelo.
Tamén, aproveitar residuos derivados da castaña para industrias con valor engadido —téxtil, madeireira ou cosmética- e reducir gasto enerxético usando biomasa e paneis fotovoltaicos.
Forman parte deste grupo de traballo AGACA, a Universidade de Vigo, o Centro Tecnolóxico dá Carne (CTC), Amarelante Sociedade Cooperativa Galega e a Indicación Xeográfica Protexida Castaña de Galicia. Recibe unha axuda FEADER de 80.606,06 €.
Caracol
A cría de caracol, representa unha actividade rendible dadas as adecuadas condicións ambientais de Galicia e o auxe do mercado. O proxecto ”Adhelix, cultivo intensivo de caracol de xardín”, desenvolvido por AGACA e o CTC, pretende aumentar a rendibilidade produtiva do caracol Helix aspersa e a súa baba mediante unha técnica innovadora de absorción electrificada de baba que reduciría a mortalidade dos carafio e melloraría a calidade da carne en vivo, en conserva e en paté. FEADER achega 53.280 €.
Xurro
“Deseño de ferramentas para minimizar o impacto sobre o medio natural na aplicación de xurro de explotacións de porcino” ten por obxecto mellorar a xestión da almacenaxe das grandes cantidades de residuo que producen as granxas do sector porcino e establecer a colaboración entre explotacións para a aplicación do xurro como abono do modo máis adecuado ás necesidades de produción forrajera. Intevienen AGACA, Instituto Galego de Calidade Alimentaria, Asociación Mariñas-Betanzos, Universidade de Santiago de Compostela, Concello de Abegondo e Coporc S. Coop. Galega.
Resina
AGACA, Resega, CTC, Universidade de Vigo, Monte Veciñal “O Coto de San Cibrao” conforman a iniciativa “O Dourado Verde” para a creación dun método de extracción de resina de piñeiro que resulte en maior cantidade e calidade do produto final minimizando o dano á fonte.
Leite
O Laboratorio Interprofesional Galego de Análise do Leite (LIGAL) lidera o “Proxecto leite plus: valorización do leite de vacún producido en explotacións ecolóxicas e convencionais de Galicia” onde AGACA e o Instituto Galego da Calidade Alimentaria participan. Conta 108.576,90€ de axuda.
