- Os días, 15, 16, 17 e 18 de xullo impártese en Compostela o obradoiro “Formación de titoras xerenciais en empresas da economía social”.
- A Asociación Galega de Cooperativas Agroalimentarias (AGACA) organiza a actividade no marco da Rede Eusumo.
- Inscrición gratuíta chamando al 981 58 47 83 ou neste formulario.
O obradoiro gratuíto “ Formación de titoras xerenciais en empresas da economía social”, que comeza o 15 de xullo en Santiago de Compostela, ten por obxectivos familiarizar a persoas con formación en xestión empresarial co modelo cooperativo e outras empresas de economía social.
As vinte horas formativas enfócase en sentar as bases dunha axeitada función xerencial nesas entidades, amosando dende a práctica as condicións necesarias para a xestión da economía social. Ademais, o obradoiro contribúe a dar valor e visibilidade a dito modelo económico e aos recursos e ferramentas dispoñibles para as persoas socias e equipos técnicos que traballan en entidades de economía social.
A sesión inicial, o 15 de xullo, afondará nas características da economía social. O día 16 trataranse a planificación estratéxica e as ferramentas para plans de mellora e os días 17 e 18 desenvolveranse as áreas económico-financeira e comercial e de mercado. O obradoiro cobre, por tanto, as necesidades formativas de persoas candidatas a bolseiras para unha estadía en prácticas na área xerencial dunha cooperativa ou empresa da economía social.
Programa completo en “Documentación 1”
Rede Eusumo
Esta actividade enmárcase no programa de actuación 2018 da Rede Eusumo, unha rede de colaboración impulsada pola Secretaría Xeral de Emprego da Xunta de Galicia para o fomento do cooperativismo e a economía social, que conta con financiamento do Ministerio de Traballo, Migracións e Seguridade Social.
Por outra banda, AGACA, durante 2018 e 2019, impulsou o Programa Bolsas de xerencia en entidades de Economía Social (no marco da Rede Eusumo e do proxecto LACES, con financiamento do Interreg POCTEP) e, dada a satisfacción das persoas e entidades implicadas, prevé organizar accións semellantes en 2020.
