ES-MENTORING diríxese, por unha banda, ás empresas da economía social que teñen unha necesidade específica, ou que están nun momento de crise, proceso de cambio, transformación, innovación… e están interesadas en recibir orientación ou asesoramento sobre como enfocar a situación por parte doutras empresas da economía social xa consolidadas e que poidan ter pasado por situacións similares con anterioridade e, por outra, a persoas expertas que estean interesadas en apoiar, asesorar e acompañar ás entidades solicitantes, na área na que teñan dificultades.
A QUEN ESTÁ DIRIXIDO O PROGRAMA?
A EMPRESAS DA ECONOMÍA SOCIAL QUE QUEIRAN SER MENTORIZADAS
Que estean nun momento de cambio, de crise, transformación, innovación… e estean interesadas en recibir orientación e asesoramento sobre como enfocar a situación por parte de persoas expertas en economía social.
A PERSOAS EXPERTAS NA ECONOMÍA SOCIAL QUE QUEIRAN SER MENTORAS
Interesadas en compartir as vivencias e experiencias, xa que contan con maior traxectoria e experiencia profesional, e teñen pasado por situacións similares comprometéndose aconsellar ás mentorizadas
Hai dispoñibles 40 prazas para 40 empresas da economía social galega que desexen ser mentorizadas, cada unha terá ao seu dispor un servizo de mentorización que durará 17 horas, desenvolvido polas persoas mentoras do programa.
A participación en ES-MENTORING non ten custo económico para a empresa.
O programa desenvolverase durante o segundo semestre do ano 2023 e xa está aberto o prazo para solicitar a participación.
Máis información: www.es-mentoring.gal
A Consellería de Promoción do Emprego e Igualdade, a Unión de Cooperativas Galegas EspazoCoop e a Asociación Galega de Cooperativas Agroalimentarias colaboran no desenvolvemento da edición 2023 do programa ES-Mentoring Acompañando á Economía Social, tralo éxito acadado no programa piloto realizado no 2022 que amosou a necesidade de consolidar un programa destas características para a economía social galega.
O programa ten como finalidade apoiar e consolidar ás cooperativas e demais entidades de economía social do tecido económico de Galicia, mediante a realización de servizos e procesos de mentoría, que permita compartir os coñecementos, vivencias e habilidades de profesionais con experiencia con outras entidades da economía social que precisan implementar melloras.
ES-MENTORING dá resposta ás necesidade das empresas da economía social sendo un programa coñecedor das súas especificidades e características, fundamentándose nos seus mesmos valores e principios.
