- O proxecto, que leva por título: “Pulo ao sector da castaña: dende o souto ata a elaboración de produtos novidosos con castaña” estará coordinado por AGACA que ten como entidade socia colaboradora ao Centro Tecnolóxico da Carne.
Antes de outubro de 2019, data límite de finalización de proxecto, ambas as dúas entidades terán desenvolvido una interesante iniciativa en favor de darlle un pulo ao sector da castaña incrementando a súa rendibilidade mediante a innovación ao longo da cadea de produción: dende os soutos, pasando pola transformación da castaña co desenvolvemento de produtos novidosos con castaña na súa formulación, até o consumidor mediante a detección de mercados potenciais para o seu consumo e a promoción dos novos produtos.
A iniciativa promove a actividade da castiñocultura coma sector xerador de emprego claramente vencellado ao medio rural, especialmente no interior das provincias de Ourense e Lugo.
Ademáis de coordinar, a Asociación encárgase da aplicación dun caderno de campo dixital en tres cooperativas de castaña. O CTC, pola súa banda, realizará o estudo da calidade das colleitas e o desenvolvemento dos novos produtos con base castaña, así coma as análises nutricionais e sensoriais.
Este proxecto conta co apoio da Xunta de Galicia e do FEADER (Fondo Europeo Agrícola de Desenvolvemento Rural) mediante o programa de axudas para proxectos piloto para o desenvolvemento de novos produtos, prácticas, procesos e tecnoloxías no ámbito agroforestal.
