- Medio centenar de estudantes do coruñés CEIP Juan Fernández Latorre participaron esta mañá no programa “Almorz@ con Beizos Brancos”.
- Houbo unha charla sobre alimentación sa, un xogo educativo ao redor do leite de vaca e, finalmente, un almorzo equilibrado baseado en produtos naturais.
- AGACA y Obra Social “la Caixa” xa repartiron este curso máis de 500 almorzos saudables, dos cales 100 foron na Coruña.
O alumnado de 5º de primaria do colexio coruñés Juan Fernández Latorre tomou parte esta mañá no programa “Almorz@ con Beizos Brancos” organizado pola Asociación Galega de Cooperativas Agroalimentarias (AGACA) con financiamento de Obra Social “la Caixa”.
Os escolares recibiron unha charla sobre a importancia do almorzo para a boa saúde, onde, ademais de mostrárselles as vantaxes e desvantaxes para o organismo de varios produtos de almorzo, recomendáronselles alimentos cunha correcta achega enerxética e nutricional para a súa idade e actividade, como a froita de tempada, o pan, aceite e propostas menos comúns como a substitución de manteigas ou margarinas por aguacate.
Ademais, destacouse o valor dos lácteos, tanto a nivel alimenticio como socioeconómico, mediante un xogo didáctico que mostra o proceso que segue o leite desde a granxa ata que chega ao consumidor. Para finalizar, nenos e nenas probaron un almorzo de froita, pan galego con aceite, leite adozada con cacao puro e mel.
Para que a mensaxe chegue ás familias, distribuíuse material divulgativo sobre diferentes xantares sans que se poden realizar en casa.
Grande acollida
Dado o interese mostrado polos centros educativos durante o curso pasado —cando se chegou a 518 estudantes, cifra xa pasada durante este curso— Obra Social Obra Social “la Caixa” aumentou o orzamento asignado a esta actividade para que poida realizarse en 20 colexios.
