- O 21 de decembro tivo lugar en Touro (A Coruña) a entrega de premios da XIX Cata dos Queixos de Galicia e a XV Cata dos Meles de Galicia.
- A Sociedade Agraria de Transformación Queinaga e a cooperativa Cobideza, ambas as dúas con queixos amparados na Denominación de Orixe Arzúa- Ulloa, resultaron premiadas
Ángeles Vázquez, conselleira do Medio Rural, presidiu a entrega de de premios da XIX Cata dos Queixos e XV Cata dos Meles de Galicia, onde celebrou o incremento da produción destes produtos amparados por selos de calidade e felicitou aos presentes pola calidade destes alimentos tan típicos e imprescindibles da nosa gastronomía.
As Catas
Queinaga, Sociadade Agraria de Transformación afincada en Curtis (A Coruña) e amparada na Denominación de Orixe Arzúa – Ulloa foi merecedora dunha Distinción de Bronce polo seu queixo Queinaga. O queixo Dona Cobiña da cooperativa Cobideza, producido en Agolada (A Coruña), e pertencente á mesma D.O. logrou un un cuarto posto.
Nesta XIX edición da Cata dos Queixos e na XV Cata dos Meles de Galicia participaron un total de 66 e 29 mostras, respectivamente. No tocante aos queixos, 27 correspondían á Denominación de Orixe Protexida (DOP) Arzúa-Ulloa (18 de queixo fresco e 9 de queixo curado), outras 24 á DOP Queixo Tetilla, 10 á DOP San Simón da Costa e 5 á DOP Cebreiro. En canto aos meles, 17 mostras correspondéronse á categoría de multiflorais e 12 á de monoflorais, todos eles pertencentes á colleita deste ano 2016
Apoio institucional
A conselleira sinalou que o queixo amparado baixo denominacións de orixe protexidas (DOP) en Galicia deixou como resultado no ano 2015 case 5.300 toneladas e preto de 33 millóns de euros, cun incremento do 6% tanto en toneladas como en valor económico. No referido aos meles, Ángeles Vázquez subliñou que o número de colmeas amparadas baixo selo incrementouse nun 15%, chegando a máis de 40.800, e xerando un valor económico de máis de 2 millóns de euros, un 14,3% máis co ano anterior.
Galicia colócase con 30 denominacións e indicacións entre as primeiras comunidades autónomas españolas en canto a identificación de produtos de calidade diferenciada, sen contar os catro selos que actualmente se atopan en trámite -IXP Ribeiras do Morrazo, IXP Capón de Vilalba, IXP Pan Galego e IXP Vaca e Boi-. Estas producións implican a máis de 28.000 produtores e máis de 900 industrias- como no económico -xa que o valor en orixe da produción certificada supera os 370 millóns de euros-.
Pode consultar o listado completo de premiados premendo “Documentación 1”
