- A resolución do 28 de setembro de 2016, da Secretaría de Estado de Administracións Públicas, que establece o calendario de días inhábiles a efectos de cómputos de prazos, no ámbito da Administración Xeral do Estado para o ano 2016, a partir do día 2 de outubro de 2016, exclúe os sábados do cómputo de prazos.
A Lei 39/2015, do 1 de outubro, , do Procedemento Administrativo Común das Administracións Públicas recolle no seu artigo 30.7 que a Administración Xeral do Estado, con suxeición ao calendario laboral oficial, fixará, no seu respectivo ámbito, o calendario de días inhábiles a efectos de cómputos de prazos.
Como novidade, a mencionada Lei no seu artigo 30.2, exclúe os sábados do cómputo de prazos.
De acordo co establecido na súa disposición final sétima, a Lei 39/2015, do 1 de outubro, entrou en vigor o 2 de outubro de 2016.
A partir do 2 de outubro de 2016, serán días inhábiles, no ámbito da Administración Xeral do Estado, a efectos de cómputos de prazos:
a) En todo o territorio nacional: os sábados, os domingos e os días declarados como festas de ámbito nacional non sustituibles, ou sobre as que a totalidade das Comunidades Autónomas non exerceu a facultade de substitución
b) No ámbito territorial das Comunidades Autónomas: aqueles días determinados por cada Comunidade Autónoma como festivos.
c) Nos ámbitos territoriais das Entidades que integran a Administración Local: os días que establezan as respectivas Comunidades Autónomas nos seus correspondentes calendarios de días inhábiles
Ver resolución completa en : https://www.boe.es/boe/dias/2016/10/01/pdfs/BOE-A-2016-8961.pdf
