- A Federación Galega de Confrarías de Pescadores celebrou onte o I Congreso de Mulleres da Pesca, na Cidade da Cultura de Santiago de Compostela
O acto, organizado por engargo do “Instituto de la Mujer y para la Igualdad” do Ministerio de Sanidade, Servizos Sociais e Igualdade, reuniu a decenas de mulleres que realizan o seu traballo en órganos de goberno das confrarías de pescadores.
O obxectivo do Congreso foi dar visibilidade ás mulleres do sector marítimo e mostrar as experiencia en materia de igualdade de oportunidades non só nese ámbito senón tamén noutras áreas produtivas e de negocio.
O congreso estivo organizado en varios bloques temáticos, que abarcaron dende a reflexión sobre políticas de Igualdade ata a formación en materia de habilidades directivas e de comunicación, mediante talleres.
O congreso, co lema “Amar o Mar”, incluíu unha mesa redonda para compartir experiencias con mulleres doutros sectores produtivos, entre eles o agroalimentario
Neste senso, Jerónima Bonafé, presidenta de Cooperativas Agro-alimentarias de Baleares e da Asociación de Mulleres de Cooperativas Agro-alimentarias de España, explicou a súa traxectoria persoal como agricultura proveniente dunha familia de agricultores e os obstáculos que sorteou a medida que asumía novos cargos de responsabilidade tanto na cooperativa á que pertence como nas entidades que actualmente preside.
Respecto da Asociación de Mulleres de Cooperativas Agro-alimentarias de España, explicou: “A realidade crúa e dura das nosas cooperativas agroalimentarias era que os consellos reitores estaban formados maioritariamente por homes, sen ningunha esperanza de que se puidesen configurar equipos mixtos. Tivemos a oportunidade de contactar co Instituto da Muller e executar un programa que permitiu visibilizar o papel da muller nestas cooperativas e fomentar as súa participación en órganos de decisión”.
Por outra banda, Carmen Martínez, remarcou: “Hoxe empézase a falar de igualdade de oportunidades no cooperativismo agrario: hoxe, cousa que hai tres anos era impensable. Se os poderes públicos non se involucran, xa non só con recursos económicos,que tamén, nós podemos ter moi boa vontade e intencións pero todo ten que ir ligado a un orzamento. Gustaríame ver homes participando neste tipo de Congresos para que poidan ver as nosas experiencias e percepcións. Unha falta de autoestima e de autorrecoñecemento foi o que detectamos nas mulleres do sector agroalimentario.
Co Instituto da Muller firmamos un convenio para traballar un programa de emprendemento e fomento do liderado das mulleres nos órganos de decisión das cooperativas, como consecuencia de que ó un 3% delas ostentan cargos neles.”
