- ULEX é un proxecto supraautonómico co obxectivo de desenvolver e validar o aproveitamento integral o toxo como recurso estratéxico.
- Está formado por entidades de varias comunidades autónomas e desenvolverase desde 2026 a 2028.
O proxecto ULEX_AE Valorización do ULEX para a obtención conxunta de fariña para alimentación animal e acha para o sector enerxético aborda a valorización integral do toxo en Galicia e Asturias mediante unha estratexia que abarca desde a caracterización do recurso ata a súa aplicación en alimentación animal e enerxía.
Para iso, levarase a cabo a localización, cuantificación e caracterización física-química do toxo, presente nos montes de Galicia e Asturias. Integraranse os condicionantes técnicos existentes, como accesos, pendente e presenza doutras especies, entre outros aspectos. Ademais, estableceranse os criterios técnicos e económicos necesarios para a extracción da biomasa caracterizada, identificando finalmente as zonas aptas para a extracción da biomasa de toxo respecto de a/s especie/s determinadas analizadas e avaliación de distancias e transporte, para garantir a súa viabilidade.
Posteriormente deseñarase e desenvolverá un sistema mecanizado específico para a curta, recolleita e transporte do toxo, minimizando a perda de fracción fotosintética, seguido da súa validación en campo, demostración in situ e avaliación técnico-económica (rendementos, tempos, consumos e custos por tonelada). Paralelamente crearanse prototipos de secado e de separación de fraccións (leñosa e fotosintética), así como unha aplicación informática para a xestión integral do proceso.
A fracción fotosintética transformarase en fariña para ensaios nutricionais e formulación de pensos para vacún leiteiro, cuxa validación se realizará en explotacións reais. A fracción leñosa procesarase en acha para levar a cabo probas enerxéticas e analizar o seu poder calorífico e outros parámetros. Ademais, desenvolverase unha metodoloxía xenética para a rastrexabilidade de Ulex spp. (toxo europeo).
Finalmente, executarase un estudo técnico-económico, ambiental e enerxético global, avaliando eficiencia, custos, pegada de carbono e potencial de autoabastecemento enerxético.
O obxectivo do proxecto ULEX_AE é a obtención de fariña proteica para pensos, substitutiva e máis económica que materias importadas; produción de acha enerxética local de maior poder calorífico e menor custo; e implantación dun modelo sostible de xestión forestal con tecnoloxía innovadora que preveña incendios e reduza emisións.
O proxecto será levado a cabo de 2026 a 2028 por unha agrupación formada por AGACA, Grupo Nogar, Indutec Ingeniéros, Grupo Mariano Seoánez Calvo, Dismedia Desarrollos TIC e Desbroces Casal, contando con entidades contratadas: Fundación IN&FIAR, Centro de Investigacións Enerxéticas, Medioambientais e Tecnolóxicas (CIEMAT, Ministerio de Ciencia, Innovación e Universidades) e Lomartov.
ULEX_AE Valorización do ULEX para a obtención conxunta de fariña para alimentación animal e acha para o sector enerxético (REGAGE 25e00048487034). Proxecto de innovación de interese xeral por grupos operativos supraautonómicos da Asociación Europea para a Innovación en materia de produtividade e sustentabilidade agrícolas (AEI-Agri), no marco do Plan Estratéxico da PAC de España (PEPAC). A Dirección Xeral de Desenvolvemento Rural, Innovación e Formación Agroalimentaria (DGDRIFA) é a autoridade encargada da aplicación das devanditas axudas. Fondos procedentes do Fondo Europeo de Desenvolvemento Rural (80%) e da Administración Xeral do Estado (20%). Subvención: 509.603,05 €.
