RESUMO ELABORADO POR AGACA
Puede consultar/descargar este resumo da ORDE en “Documentación” (formato PDF en galego) e consultar a ORDE completa na ligazón “web”.
— ORDE do 1 de agosto de 2025 pola que se establecen as bases reguladoras para a concesión de axudas para a execución de medidas de promoción do sector vitivinícola en mercados de terceiros países, e se convocan para o ano 2026. Consellería do Medio Rural. DOG 153 (12/08/2025)
OBXECTO
Esta orde ten por obxecto establecer as bases reguladoras para a concesión, en réxime de concorrencia competitiva, das axudas para a execución de actividades de promoción e comunicación levadas a cabo en terceiros países e realizar a convocatoria para o ano 2026. O código de procedemento é o MR440D.
PERSOAS BENEFICIARIAS
– Empresas vinícolas nas que no último exercicio fiscal, máis do 50% da súa facturación proveña de produtos destinados ao consumo directo, ou cuxa produción supere os 500hl deses produtos.
– Organizacións de produtores vitivinícolas e asociacións de organizacións de produtores vitivinícolas.
– Organizacións interprofesionais.
– Organizacións profesionais que exerzan a súa actividade maioritariamente no sector do viño e teñan nos seus fins estatutarios a realización de promoción.
– Órganos de xestión e representación das DOP e IXP vitivinícolas e as súas asociacións.
– Asociacións temporais ou permanentes de produtores con fins de promoción e comercialización do viño.
– Cooperativas que comercialicen viños elaborados por elas ou polos seus asociados.
– Entidades asociativas sen ánimo de lucro participadas exclusivamente por empresas do sector vitivinícola con actividades de promoción exterior dos viños.
PRODUTOS E PAÍSES ADMISIBLES
Poderán ser obxecto da intervención de promoción os produtos destinados ao consumo directo: viño, viño de licor, viño espumoso, viño espumoso aromático de calidade, viño de agulla, viño de agulla gasificado, viño de uvas pasificadas, viño de uvas sobremaduradas, viños ecolóxicos, viños desalcolizados e viños parcialmente desalcolizados.
Deben pertencer a algúns dos seguintes grupos:
a) Viños amparados por unha denominación de orixe protexida (DOP).
b) Viños amparados por unha indicación xeográfica protexida (IXP).
c) Viños en que se indique a variedade ou variedades de uva de vinificación.
Os programas destinados a consolidar as saídas comerciais referiranse unicamente aos viños con denominación de orixe e indicación xeográfica protexida.
Consideraranse elixibles para realizar a promoción todos os países terceiros.
CARACTERÍSTICAS DOS PROGRAMAS
Os programas levaranse a cabo entre o 1 de xaneiro e o 31 de decembro de 2026.
A duración máxima da axuda por mercado dun terceiro país será dun ano.
A duración das accións e subaccións de promoción e comunicación levadas a cabo en terceiros países, destinadas a consolidar as saídas comerciais no caso dos viños con DOP ou IXP, axustaranse ao establecido no Regulamento (UE) nº 2021/2115, do Parlamento Europeo e do Consello, e demais normativa reguladora para o efecto.
CUSTES SUBVENCIONABLES
– Gastos administrativos: límite 4% gasto total subvencionable.
– Gastos de persoal: límite 20% gasto total subvencionable.
– Aloxamento, manutención e comidas colectivas.
– Viño empregado nas subaccións de promoción (catas, misións inversas,…)
– Gastos de promoción e merchandising: límite 30% gasto total subvencionable.
– Oficinas de información, gabinetes prensa. límite 50% gasto total subvencionable.
| Accións | Subaccións |
|---|---|
| a) Accións de promoción, publicidade ou relacións públicas que destaquen en particular as normas rigorosas dos produtos da Unión Europea, sobre todo en termos de calidade, seguridade alimentaria ou ambiente. | Misións comerciais.Campañas publicitarias de natureza diversa (TV, radio, prensa, eventos, etc.).Promocións en puntos de venda.Portais web para promoción exterior, redes sociais.Misións inversas.Oficinas de información.Gabinete de prensa.Presentacións de produto, catas. |
| b) Participación en actos, feiras ou exposicións de importancia internacional. | Feiras e exposicións internacionais, etc., sectoriais ou xerais, profesionais e de público en xeral.Catas. |
| c) Campañas de información, en particular sobre os réximes de calidade da Unión en relación coas denominacións de orixe, as indicacións xeográficas e a produción ecolóxica. | Encontros empresariais, profesionais, líderes de opinión e consumidores.Xornadas, seminarios, catas, degustacións, etc. |
| d) Estudos de novos mercados ou de mercados existentes, necesarios para a busca e consolidación de novas saídas comerciais. | Estudos e informes de mercado novos ou existentes, que inclúan por exemplo paneis e probas preliminares antes de lanzar novos produtos en novos terceiros países ou novos mercados de terceiros países ou en mercados existentes. |
| e) Estudos para avaliar os resultados dos programas de promoción e información. | Estudos de avaliación de resultados das intervencións sectoriais de promoción. |
| f) Preparación de expedientes técnicos, incluídas probas de laboratorio e avaliacións, relativas a prácticas enolóxicas, normas fitosanitarias e hixiénicas, así como requisitos de terceiros países respecto á importación de produtos do sector vinícola, para posibilitar o acceso aos mercados de terceiros países ou evitar que se restrinxa o dito acceso. | Preparación de expedientes técnicos relativos a probas enolóxicas.Preparación de expedientes relativos a normas fitosanitarias e hixiénicas.Preparación de expedientes técnicos sobre requisitos de terceiros países respecto á importación do sector vinícola para posibilitar o acceso aos mercados de terceiros países ou evitar que se restrinxa o dito acceso.Probas de laboratorio e avaliacións. |
CRITERIOS DE VALORACIÓN DOS PROXECTOS
| Criterios de priorización | Puntuación |
|---|---|
| 1º. Programas presentados por novos beneficiarios.* | 25 puntos |
| 2º. Programas que teñan como obxectivo novos países ou mercados dun terceiro país.** | 25 puntos |
| 3º. Programas relativos á produción de viños con denominación de orixe, indicacións xeográficas protexidas e ecolóxicos que indiquen a variedade. | 25 puntos |
| 4º. Tipo de solicitante: | 15 puntos (máximo) |
| 4.1. O solicitante é unha cooperativa ou outra entidade asociativa agroalimentarias (SATs, sociedades mercantís en que máis do 50 % do seu capital social pertenza a cooperativas ou SATs). | 15 puntos |
| 4.2. O solicitante é un órgano de xestión e de representación das indicacións xeográficas protexidas e denominacións de orixe protexidas vínicas, así como as súas asociacións. | 10 puntos |
| 4.3. O solicitante non está incluído nos tipos 4.1 ou 4.2, e é elaborador dos produtos comercializados. | 5 puntos |
| 5º. Características do programa de promoción: | 10 puntos (máximo) |
| 5.1. Programas cun número medio de subaccións por país igual ou superior a 4. | 10 puntos |
| 5.2. Programas cun número medio de subaccións por país igual ou superior a 2 e inferior a 4. | 5 puntos |
| Valoración total | 100 puntos |
CONTÍA DA AXUDA
A axuda financeira da Unión para as accións de promoción e comunicación non superará o 50% dos gastos subvencionables. A contía máxima de axuda solicitada por empresa vinícola non poderá superar o 5% do orzamento total destinado á intervención de promoción.
O beneficiario poderá presentar á Consellería do Medio Rural unha solicitude de anticipo con aval, que poderá acadar o 50 % do importe da contribución anual da Unión Europea.
PRAZO DE SOLICITUDE
O prazo de presentación de solicitudes de axuda para esta convocatoria comeza o 13 de agosto de 2025 ata o día 12 de setembro de 2025.
ORZAMENTO
| FONDO | CONCEPTO | PROXECTO | ANUALIDADE 2026 | ANUALIDADE 2027 | TOTAL |
|---|---|---|---|---|---|
| FEAGA | 713-D.770.0 | 201100766 | 1.400.000,00 € | 300.000,00 € | 1.700.000,00 € |
