Se es cooperativa agroalimentaria, estás asociada a algunha das federacións territoriais de Cooperativas Agro-alimentarias de España e cumpres os requisitos, podes sumarte á nova marca colectiva Produto Cooperativo. Para coñecer máis detalles, podes poñerte en contacto con AGACA (se es de Galicia) ou ben contactar con Cooperativas Agro-alimentarias de España a través del formulario en www.productocooperativo.es
A marca Produto Cooperativo nace coa pretensión de que o consumidor visualice e recoñeza os produtos das cooperativas, a través dos valores e principios diferenciais que defende o cooperativismo e da súa contribución á tripla sostibilidade: social, económica e medioambiental. Falamos, con isto, do impacto que xeran as cooperativas nos seus territorios, como empresas conformadas por agricultores e gandeiros que, unidos, tratan de levar os seus produtos —frescos e naturais— de maneira directa ao consumidor; comprometidas co eido rural; que no se deslocalizan; que cumpren os máis estritos requisitos nacionais e europeos en materia de seguridade alimentaria, respecto ao medio ambiente e benestar animal. É, ademais, unha forma de facer empresa diferente, na que o valor xerado retorna ás persoas —a socios e socias, agricultores e gandeiros españois— e ao territorio.
Para deseñar a marca, desenvolveuse unha importante investigación para a que contamos coa consultora KANTAR, que, a partir dos achados do seu panel de máis de 12.000 fogares e unha enquisa a unha selección de 1.200 deles que xa consumían produtos cooperativos, recolleu interesantes conclusións que serviron para construír una proposta sólida.
Deste xeito, puidemos coñecer o que pensan os consumidores dos produtos cooperativos e, en especial, os atributos que máis valoran á hora de realizar a compra e sobre os que podemos conectar para promover que adquiran os produtos das nosas cooperativas.
Para iso, había que buscar a intersección entre os valores que están asociados ao produto cooperativo —orixe e calidade do produto, compromiso co territorio, valores sociais— e o que quere o consumidor da marca —sabor, naturalidade, orixe, calidade, frescura— e nesa intersección traballamos para obter o slogan da marca. Ese slogan, Sabor auténtico do campo, tamén foi probado mediante una enquisa online a 500 persoas.
Logo e imaxe
Para poder facer uso da marca Produto Cooperativo, as cooperativas deberán acreditar o cumprimento duns determinados parámetros, 10 obrigatorios e 2 dos 9 adicionais.
| PARÁMETROS DE XESTIÓN OBRIGATORIOS | |
| 1 | Compromisos estatutarios de participación na actividade cooperativizada |
| 2 | Principio de portas abertas na entrada e saída de socios |
| 3 | Principio de xestión democrática |
| 4 | Transparencia e información |
| 5 | Xestión económica |
| 6 | Xestión da calidade dos produtos, sistemas de trazabilidade e seguridade alimentaria |
| 7 | Xestión da responsabilidade social empresarial |
| 8 | Sistemas de diferenciación e pago por calidade |
| 9 | Plan de igualdade |
| 10 | Plan de Formación |
| 11 | Benestar animal (só para cooperativas gandeiras) |
| PARÁMETROS DE XESTIÓN ADICIONAIS (NECESARIO CUMPRIR POLO MENOS DOUS) | |
| 1 | Recursos locais |
| 2 | Márketing responsable |
| 3 | Xestión de residuos |
| 4 | Xestión da auga |
| 5 | Xestión enerxética |
| 6 | Xestión acústica |
| 7 | Xestión da emisión de gases efecto invernadoiro e fixación de obxectivos para a minimización da contaminación atmosférica |
| 8 | Xestión dos recursos naturais |
| 9 | Xestión voluntaria das políticas de igualdade de xénero |
Xa dispoñemos do logo, o seguinte paso é que as cooperativas vos sumedes a este proxecto para, xuntos, sermos capaces de comunicar con forza o que significa a marca Produto Cooperativo. A idea final é promover unha campaña ambiciosa de comunicación externa e de accións en punto de venda.
Podes coñecer todos os requisitos e condicións de uso da marca a partir de diversos materiais e guías de axuda que están á vosa disposición, pero o espírito que buscamos é que se poidan sumar moitas cooperativas de todos os tamaños, grandes e pequenas, que elaboren produto final con marca propia. Cantos más sexamos, mellor.
Se cres que os produtos da túa cooperativa se deben diferenciar dos que producen outras empresas ou produtores doutros países, non o dubides e súmate a Produto Cooperativo, Auténtico Sabor do Campo!
.
