- O sector cárnico e a distribución lanzan esta iniciativa co obxectivo de reivindicar o consumo deste alimento no marco dunha dieta completa e equilibrada.
- Xunto a AGACA, case un centenar de empresas e organizacións uníronse xa ao proxecto que arrincará no mes de maio.
AGACA únese a “El Sentido de la Carne”, unha iniciativa pioneira de colaboración da cadea de valor do sector cárnico e a distribución para poñer en valor e reivindicar o pracer de consumir carne e a idoneidade de integrar este alimento no marco dunha dieta completa e equilibrada.
“El Sentido de la Carne” ten como obxectivo principal transmitir que a carne e os produtos cárnicos forman parte da nosa cultura gastronómica e que consumila de acordo ás pautas recomendadas contribúe a unha dieta variada e equilibrada no marco dunha Dieta Mediterránea.
Ademais, segundo os datos de AECOC Shopperview —o servizo de coñecemento e análise dos cambios de comportamento e a evolución das tendencias de consumo de AECOC— e FECIC, o 45% dos consumidores de carne inclúea na súa dieta polo pracer que lle proporciona o consumo deste alimento. Só a achega de proteínas (51% das mencións) supera como motivo principal de elección ao gozo que achega o consumo de carne. Así mesmo, o 34% dos consumidores alega que consome carne para poder seguir unha dieta equilibrada e o 26%, por razóns de saúde.
Xunto a AGACA, case un centenar de empresas e organizacións de toda a cadea de valor do sector cárnico e a distribución xa forman parte da iniciativa “El Sentido de la Carne”, cuxa imaxe e mensaxes poderán verse, a partir do próximo mes de maio, nos puntos de venda das principais cadeas, no packaging dalgúns produtos, nos folletos comerciais, así como nas webs e redes sociais das empresas e organizacións participantes.
Para máis información: info@elsentidodelacarne.com / www.elsentidodelacarne.com
