- O 9 de maio terá lugar en Santiago o encontro do sector de horta para a previsión da próxima campaña, a aplicación do Real Decreto de envases e residuos de envases.
- Está dirixida a membros de consellos reitores e persoal técnico das cooperativas de AGACA.
Con este encontro pretendemos dar a coñecer a nova normativa de envases e residuos de envases (que afecta o sector agroalimentario e, especialmente, á comercialización deste sector), repasar o estado de aplicación da Lei da Cadea Alimentaria no sector, así como outras informacións relacionadas que poden ser de interese para as cooperativas socias. Ao mesmo tempo, comentaranse entre os presentes o funcionamento do Acordo con Vegalsa/Eroski e as claves para a relación profesional coa gran distribución.
Con todo, o máis importante do encontro serán os intercambios de informacións de interese (mercado, tendencias, retos, producións, envasados…) entre os asistentes e as posibles relacións que se poidan establecer para futuras colaboracións e apoios intercooperativos. Comentaremos as últimas xestións relacionadas coa Consellería en relación cos plans do Label de Horta e outras iniciativas, así como o intercambio de posibles actuacións de AGACA neste sector.
PROGRAMA
11:00 – Real Decreto de Envases e Residuos de Envases: aspectos xerais deste novo imposto aos alimentos.
Susana Rivera. Técnica de Cooperativas Agro-alimentarias de España.
12:00 – Estado de aplicación da Lei da Cadea Alimentaria nos nosos sectores e neste sector. A cooperación e a intercooperación no sector de horta: Mesa de Castaña, comercialización de froitas…
Higinio Mougán. Xerente de AGACA.
12:30 – Información xeral do acordo Vegalsa/Eroski: previsións.
Loli Couso. Técnica de AGACA.
13:00 – Mesa Redonda: intervencións de todos os presentes e intercambios de opinión sobre os principais retos do sector de horta e froitos neste ano 2023.
