- Nós, as Mulleres, Asociación Galega de Mulleres de Cooperativas Agroalimentarias celebrou esta tarde a súa II Asemblea Xeral Ordinaria.
- A Asociación agrupa unha treintena de socias de 15 cooperativas de AGACA.
Con motivo do Día Internacional da Eliminación da Violencia contra as Mulleres, conmemorado o 25 de novembro, as socias de Nós, as Mulleres, Asociación Galega de Mujeres de Cooperativas Agroalimentarias, reuníronse esta tarde na súa II Asemblea Xeral Ordinaria.
Nós, As Mulleres naceu en 2019 impulsada polas socias de cooperativas de AGACA (Asociación Galega de Cooperativas Agroalimentarias), co obxectivo de dar visibilidade ao papel das mulleres do sector, ademais de achegar suxerencias e propostas dirixidas a facilitar a súa participación nas cooperativas, tanto a nivel social como directivo e de consellos reitores. Entre as súas actividades cóntanse obradoiros e encontros formativos e de intecambio de experiencias, ademais de presentar ante as administracións públicas as necesidades e oportunidades das cooperativistas. Actualmente reúne a unha trintena de socias procedentes de 15 cooperativas.
Tras a Asemblea, Mila Rodal, técnica Superior en promoción de igualdade de xénero, formación en igualdade e prevención da violencia de xénero, impartiu unha charla centrada nas orixes e a prevención da violencia de xénero.
Ademais, as socias de Nós, As Mulleres asinaron un manifesto onde expresan o seu “máis profundo rexeitamento contra todo tipo de violencia machista” e apuntan algúns datos como “no ano 2021, o 55% das mulleres asasinadas pola súa parella masculina pertencía ao medio rural” e que “máis do 50% as de mulleres son xefas de explotacións agrarias, falta que na representatividade estean as mulleres; unha vez máis, fáltanos visibilidade”.
O manifesto reclama: “Políticas, programas e xestión pública efectivos sobre corresponsabilidade e coherentes coa realidade que vivimos as mulleres do medio rural”, así como “máis recursos de todas as entidades públicas, tanto autonómicas como provinciais e locais, para que as mulleres que sofren violencia conten con asistencia”.
