- O obradoiro abordou a dixitalización de procesos e xestión de viñedos e adegas.
- O proxecto, solicitado pola Asociación Galega de Cooperativas Agroalimentarias (AGACA), foi aprobado polo IGAPE.
Viticultores galegos e representantes de adegas cooperativas, xunto con representantes de AGACA, participaron esta mañá en Bodegas Jesús Nazareno (O Barco de Valdeorras) nun encontro conxunto no marco do proxecto Obradoiros Industria 4.0, centrado na aplicación das últimas tecnoloxías dispoñibles no sector. Foi a última das catro xornadas previstas noutras tantas cooperativas.
Entre os temas que abordaron ao longo dos Obradoiros Industria 4.0 cóntanse a ciberseguridade, o papel das novas tecnoloxías no sector e solucións, sistemas e tecnoloxía aplicable á xestión de viñas.
Este proxecto está cofinanciado por IGAPE, Xunta de Galicia e Fondo Europeo de Desenvolvemento Rexional do programa operativo 2014-2020.
