- Estudantes do CFEA de Sergude (Boqueixón) participaron esta mañá nunha actividade sobre crecemento laboral no medio rural impartida por AGACA no marco da Rede Eusumo.
Unha trintena de estudantes do Centro de Formación e Experimentación Agroforestal de Sergude asistiron esta mañá a unha charla sobre opcións de desenvolvemento laboral no medio rural que tivo lugar na Fundación Terra de Trasancos (Narón).
A través de casos de éxito en diferentes eidos produtivos, a xornada amosou como atopar oportunidades de negocio e como crear e xestionar un proxecto de emprendemento profesional, para dar visibilidade ao autoemprego como opción de futuro laboral estable para os estudantes.
Logo da charla, realizouse unha visita ás instalación da Cooperativa Santa María do Val, para coñecer as particularidades do seu funcionamento.
Rede Eusumo
Asesoramento, orientación, formación, acompañamento nas iniciativas empresariais, apoio á internacionalización, celebración de encontros internacionais e transfronteirizos, intercambio comercial e cooperación transversal definen a rede transversal de colaboración Eusumo, nacida en 2011.
