Os “Cursos para persoal que traballa con gando bovino”, que AGACA impartiu entre o19 e o 30 de agosto, responden ás estipulacións do Real Decreto 1053/2022, de obrigado cumprimento dende o 1 de xaneiro.
No seu artigo 4, o RD 1053/2022 estabelece que “todas as persoas que traballan con gando bovino na explotación teñan unha formación adecuada e suficiente”, o cal pode ser demostrado mediante experiencia laboral práctica superior a 3 anos, mediante título de técnico en produción agropecuaria ou título de técnico superior en gandería e asistencia en sanidade animal e mediante acreditación de formación dun mínimo de 20 horas nun prazo máximo de 6 meses dende data de inicio do traballo na explotación.
Neste último senso, AGACA impartiu en modalidade Aula Virtual dous “Cursos para persoal que traballe con gando bovino”, homologados pola Axencia Galega de Calidade Alimentaria (organismo da Consellería do Medio Rural), cuxa titulación ten validez nacional. Participaron 37 persoas na formación, repartidas en turno de mañá e de tarde.
Temario
A formación, de 20 horas, contempla o contido mínimo establecido pola normativa, dividido en seis temas. O tema “Características da produción bovina” trata morfoloxía, fisioloxía, alimentación, aloxamento e comportamiento.
“Sanidade animal, hixiene e biodiversidade” afonda en bioseguridade, prevención de enfermidades e zoonose, inspección de animais enfermo e recoñecemento de síntomas, ademais e vixilancia pasiva e obrigas de comunicación ás autoridades competentes, medidas contra enfermidades, interacción entre saúde animal e humana e co benestar animal e resistencia a tratamentos.
O tema “Manexo” abarca o período post-cubrición, pre-parto, parto e puerperio, destete, cebo e ordeño.
No tema “Xestión ambiental e loita contra o cambio climático das explotacións” falouse de almacenamento e xestión de estercos, de xestión de compostos nitroxenados, emisións, ruídos e olores e de consumo de auga e enerxía.
Finalmente, outros dous temas afondan en “Rexistro de información e documentación” e en “Normativa vixente no ámbito europeo, nacional, autonómico e local relacionada”.
