Impulso ao desenvolvemento do sector agrario galego e apoio ao seu financiamento
Pastor e Agaca asinan un convenio para impulsar ás cooperativas agrarias de Galicia
- En 2015, en Galicia, Grupo Banco Popular aumentou a contratación de crédito a pemes e autónomos un 9,1%, ata alcanzar os 1.259 millóns €.
- AGACA agrupa ao redor de 120 cooperativas activas de Galicia, con 30.000 socios e unha facturación de máis de 1.200 millóns € anuais.
Santiago de Compostela, 6 de abril de 2016.- Pastor e AGACA —Asociación Galega de Cooperativas Agroalimentarias— asinaron un acordo de colaboración, polo que o banco achegará unha oferta completa de produtos e servizos ás cooperativas asociadas que lles axuden no seu crecemento e desenvolvemento.
O acordo enmárcase dentro da estratexia de Pastor de apoio a este sector, consciente da importancia que ten para o tecido empresarial de Galicia. O devandito acordo foi asinado hoxe en Santiago de Compostela polo director xeral de Pastor, José Manuel Hevia, e polo presidente de AGACA, José Montes.
En Galicia, Grupo Banco Popular aumentou a contratación de crédito a pemes e autónomos un 9,1% en 2015 ata alcanzar os 1.259 millóns €. Con 261 oficinas e unha cota de crédito do 22,3%, o Grupo conta en Galicia con 723.600 clientes, dos que 13.200 son pemes e autónomos.
A Asociación Galega de Cooperativas Agroalimentarias (AGACA) é a organización representativa do cooperativismo agrario da Comunidade Autónoma de Galicia e exerce a súa actividade a nivel autonómico, estatal e internacional, en todos os foros nos que se dirimen os intereses do cooperativismo. Abarca os sectores máis representativos da agricultura e gandería galegas e agrupa a máis de 100 cooperativas activas de Galicia con 30.000 socios e unha facturación superior aos 1.200 millóns € ao ano.
Coa firma deste acordo, Pastor reforza o seu apoio á economía galega, aos autónomos e ás pequenas e medianas empresas de Galicia.
