- A Fundación Terra de Trasancos (Narón) recibiu hoxe ao alumnado do colexio lucense María Auxiliadora e onte ao do IES Leixa (Ferrol)en senllos obradoiros sobre economía social.
- As actividades, organizadas por AGACA, enmárcanse na Rede Eusumo para o fomento do cooperativismo e a economía social.
Medio centenar de estudantes de secundaria do colexio María Auxiladora (Lugo), esta mañá, e unha vintena de bacharelato do IES Leixa (Ferrol), onte, aprenderon na fundación Terra de Trasancos (Narón) as cualidades que fan das cooperativas un modelo de negocio sustentable e estable no medio rural nos obradoiros “Divulgación do emprendemento de experiencias cooperativas como modelo de éxito”.
O obxectivo da actividade é difundir o funcionamento da economía social para que o alumnado teña en conta este modelo de negocio para desenvolver unha carreira profesional ao rematar os estudos.
Persoal da entidade mostroulles as instalacións e o funcionamento de Terra de Trasancos, que desenvolve actividades en varias áreas, entre elas agrícola, supermercado e perruquería.
Rede Eusumo
Esta actividade enmárcase no programa de actuación 2019 da Rede Eusumo. A Rede Eusumo é unha rede de colaboración impulsada pola Secretaría Xeral de Emprego da Xunta de Galicia para o fomento do cooperativismo e a economía social que conta co financiamento do Ministerio de Emprego e Seguridade Social.
[row][double_paragraph][ot-caption title=”Estudantes do IES Leixa nos invernadoiros da Cooperativa O Val, na visita á Fundación Terra de Trasancos” url=”https://agaca.s3.eu-west-3.amazonaws.com/2019/04/20190403_Eusumo-IES_LEIXA_Fund-Terra_de_Trasancos-Coop-O-Val.jpg”][/double_paragraph][double_paragraph] [ot-caption title=”O alumnado do Colegio María Auxiliadora recibiu formación acerca do funcionamento cooperativo” url=”https://agaca.s3.eu-west-3.amazonaws.com/2019/04/20190404_Eusumo_cole-ma-auxiliadora_Fund-terra-trasancos-2.jpg”][/double_paragraph] [/row]
