- Un grupo de estudantes do IES Abrente – O Riberio ( Ribadavia) viaxou hoxe ao Centro de Desenvolvemento Cooperativo Transfronteirizo de Verín para aprender as oportunidades profesionais que ofrece o cooperativismo.
- Mañá serán estudantes de Pontedeume quen viaxen á Fundación Feiraco (Ames).
- A formación teórica acompáñase con visitas a cooperativas, para ver o seu funcionamento.
As actividades enmárcanse na Rede Eusumo para o Fomento do Cooperativismo e a Economía Social.
Os estudantes do IES Abrente – O Ribeiro (Ribadavia) recibiron hoxe formación sobre cooperativismo no Centro de desenvolvemento Cooperativo Transfronteirizo e visitaron instalacións dunha adega, para comprobar paso a paso como se desenvolve a actividade dunha cooperativa.
Mañá será o alumnado do IES Breamo (Pontedeume) quen viaxe ata cooperativa Feiraco (Ames) para participar nas charlas divulgativas e percorrer a planta de transformación láctea de Feiraco.
As actividades enmárcnase nos “Obradoiros de Emprendemento Cooperativo Eusumo” para estudantes, que teñen o propósito de darlles a coñecer aos mozos e mozas as vantaxes que ofrece cooperativismo para o seu crecemento profesional, para que o teñan en conta como opción de futuro unha vez rematen os seus estudos.
A través de charlas divulgativas, amósanse iniciativas de emprendemento en diferentes áreas de actividade que lograron establecerse con éxito no modelo de negocio cooperativo e, mediante visitas a cooperativas, o alumnado pode ver de primeira man os pormenores do seu funcionamento.
Rede Eusumo
Asesoramento, orientación, formación, acompañamento nas iniciativas empresariais, apoio á internacionalización, celebración de encontros internacionais e transfronteirizos, intercambio comercial e cooperación transversal definen a rede transversal de colaboración Eusumo, naci-da no 2011 co impulso da Consellería de Economía, Emprego e Industria.
