- En setembro comeza o módulo formativo “Creación de Empresas de Economía Social na contorna 4.0” que se imparte online no marco do proxecto europeo “ LACES: Laboratorios de Apoio á Creación de Emprego e Empresas de Economía Social”.
O obxectivo desta acción formativa é promover as oportunidades de creación de empresas de economía social na nova industria 4.0.
A formación, que se pode realizar en liña, é de carácter aberto e gratuíto. A duración do módulo é de 80 horas, que se poderán cursar ao longo do ano.
Inscrición: http://bit.ly/academia- laces-40
O proxecto LACES ten como fin último contribuír ao fomento e consolidación da economía social na Eurorrexión Galicia – Norte de Portugal para conseguir un salto cuantitativo na súa capacidade para xerar e consolidar emprego a través da execución de programas pilotos para a competitividade e impulso de empresas de economía social no espazo transfronteirizo, e así actuar como fonte de coñecemento e innovación para lograr modernizar as estratexias de promoción e apoio a esta economía solidaria e colaborativa, favorecendo a consolidación e creación de empresas e emprego de calidade na eurorrexión.
Interveñen: Universidade de Santiago de Compostela, AGACA, Espazocoop, AESGAL, Universidade de Trás-os-Montes e Alto Minho, Tecminho, InCubo , ADRAVE e a Xunta de Galicia.
