- O 16 de novembro en Santiago de Compostela terá unha xornada organizada por FEUGA, co título “Coinnovando no sector agrario e forestal en Europa”. Nela, presentaranse Grupos Operativos que desenvolven a súa actividade de innovación no marco de EuroDairy.
Están invitados a asistir os Grupos Operativos de Innovación, pero o también investigadores, centros tecnolóxicos, asociacións, asesores técnicos e calquera outra persoa interesada en coñecer como innovar en colaboración.
O obradoiro ofrece:
- Información sobre como funcionan os grupos operativos e as súas ventaxas para a empresa ou
- Acceso a prácticas innovadoras postas en marcha por grupos operativos de Galicia e outras rexións de España e Europa.
- Contacto con potenciais socios para proxectos.
- Visitas a proxectos de grupos operativos en execución.
- Toma de contacto coa Asociación Europea de Innovación de Agricultura productiva e sustentable (EIP-Agri).
O obradoiro está organizado pola Fundación Empresa Universidade Galega (FEUGA), en colaboración coa EIP-Agri. Está financiado no marco do convenio de colaboración coa Consellería de Cultura, Educación e Ordenación Universitaria.
Máis información: innovacion@feuga.es ou na web www.feuga.es
Acerca de EuroDairy
EuroDairy é unha rede internacional para aumentar a sustentabilidade económica, social e ambiental da produción leiteira en Europa, nun momento de desafío sen precedentes para o sector. Financiada polo programa Horizonte 2020 da UE, EuroDairy fomentará o desenvolvemento e a difusión de innovacións baseadas na práctica na produción leiteira, centrándose en cuestións clave de sustentabilidade que xorden tras a supresión das cotas lácteas: resiliencia socioeconómica, eficiencia dos recursos, coidado dos animais e integración da produción de leite con obxectivos de biodiversidade.
EuroDairy abarca 14 países, dende Irlanda ata Polonia, dende Suecia ata Italia; abarca o 40% dos produtores leiteiros, o 45% das vacas e o 60% da produción de leite europeo. O proxecto adopta o modelo interactivo de European Innovation Partnership, colocando aos agricultores no centro da innovación baseada na práctica, adaptando e desenvolvendo o coñecemento científico, tanto o novo como o existente, para producir solucións implementables, que logo poden ser compartidas a través da rede.
