O próximo 6 de novembro de 2024, no Hotel Puerta del Camino, en Santiago de Compostela, celebraremos un encontro de intercambio de coñecementos e experiencias como parte do programa ES-MENTORING, unha iniciativa desenvolvida por ESPAZOCOOP. Este programa, promovido pola Consellería de Emprego, Comercio e Emigración, foi clave en 2022 e 2023 para apoiar e fortalecer ás cooperativas e empresas da economía social en Galicia.
ES-MENTORING está deseñada para acompañar a entidades de economía social que atravesan momentos de evolución, transformación ou crise, ou que buscan innovación. A través da mentorización personalizada, empresas do sector reciben orientación de expertas e expertos en economía social, quen achega a súa experiencia e coñecemento tras enfrontar desafíos similares.
Nesta xornada, baixo o lema REDE DE MENTORÍAS DA ECONOMÍA SOCIAL, reuniranse persoas mentoras e organizacións que participaron no programa nas súas edicións anteriores, co fin de facilitar o intercambio de experiencias e contribuír a unha mellor adaptación da oferta e a demanda de mentoría neste ámbito.
Convidamos a todas as persoas que participaron en ES-MENTORING e a profesionais doutras entidades interesadas na economía social a asistir e sumarse a este valioso espazo de aprendizaxe colaborativa, fortalecendo así o tecido da economía social galega.
