NOTA DE PRENSA: Condes de Albarei
- Quen desexe participar deberá subir unha fotografía durante a festa cun dos albariños da adega Condes de Albarei a Facebook, Twitter ou Instagram e poderán gañar premios.
A adega Condes de Albarei pon en marcha por segundo ano consecutivo un concurso fotográfico en redes sociais onde a imaxinación e orixinalidade xogan un papel fundamental.
Durante a Festa do Albariño, do 3 ao 7 de agosto, todos aqueles que desexen participar tan só deberán inmortalizar o seu mellor momento xunto a un albariño Condes de Albarei na Festa do Albariño e subilo a Fecebook, Twitter ou Instagram con hashtag #AlbariñoCondesdeAlbarei16. É necesario ser seguidor da páxina da adega na rede social elixida para subir a foto.
A persoa que consiga que a súa fotografía reciba máis votos en cada unha das plataformas será obsequiada cunha visita á adega para dúas con degustación e un estoxo de tres botellas do Albariño Condes de Albarei. A resolución do concurso coñecerase o próximo 8 de agosto.
Tamén ao longo da Festa do Albariño todos aqueles que o desexen poderán catar os viños da adega Condes de Albarei no Túnel do Viño entre os días 4 e 7 de agosto. E no salón de congresos e conferencias José Pena, a enóloga da adega, Andrea Obenza, impartirá unha cata temática dos albariños Condes de Albarei o vindeiro sábado ás 12:15h.
