NOTA DE PRENSA: Viña Costeira
- Novo recoñecemento para a Adega Viña Costeira, neste caso para o Colección 68, un dos seus viños que naceu como homenaxe aos socios fundadores da adega en 1968.
O pasado mes de Xullo celebrábase en Berlín uno dos concursos de viño con máis arraigamento en Europa, o Berliner Wein Trophy , onde viños de multitude de países competían por ser galardoados ante un panel de expertos catadores.
Este concurso conta cunha especial relevancia, ao ser organizado en colaboración coa “Organización Internacional da Viña e o viño (OIV)”, o que garante unha competición xusta e extremadamente controlada e premia aos viños que realmente merece a pena descrubrir. Más de 6000 viños de todo o mundo foron catados polos 190 membros dos xurados, que valoraron principalmente a elaboración e calidade dos viños presentados.
Nesta ocasión, Viña Costeira presentaba a concurso a súa Colección 68 Treixadura 2017, un viño de aroma intenso e gran frutosidade, que coa súa complexidade e elegancia foi premiado cunha medalla de ouro polo xurado.
Este novo premio chega como aliciente para recargar pilas antes da vendima e supón unha continuidade no carrusel de boas novas que vén acompañando á adega ribadaviense os últimos meses, nos que se proclamou Mellor bodega de España, cumprindo 50 anos como un dos referentes enoturísticos de Galicia.
