- O 19 de maio a cooperativa CLUN será escenario da xornada titulada “As mulleres como protagonistas no modelo económico Cooperativo”. A Asociación de Mujeres de Cooperativas Agro-alimentarias de España organiza o evento, que subvenciona o Ministerio de Agricultura, Pesca e Alimentación e no que colaboran AGACA e Cooperativas Agro-alimentarias de España.
O apoderamento das mulleres implica que participen plenamente en todos os sectores e a todos os niveis da actividade económica para construír economías fortes, establecer sociedades máis estables e xustas, alcanzar os obxectivos de desenvolvemento, sustentabilidade e dereitos humanos e mellorar a calidade de vida.
O apoderamento das mulleres remóntase á IV Conferencia Mundial sobre a Muller en Bijing (Pequín, 1995) e refírese ao “aumento da participación das mulleres nos procesos de toma de decisións e acceso ao poder” co obxectivo de avanzar na equidade entre xéneros.
As mulleres poden ofrecer perspectivas únicas e valiosas na tecnoloxía, o que pode mellorar a innovación e o desenvolvemento da industria. Ademais, as mulleres temos unha enorme capacidade de inspirar e motivar a outras mulleres para seguir os seus pasos nestas.
A muller axuda a mellorar a innovación técnica: Os equipos de traballo conformados por profesionais de ambos os xéneros teñen un maior grao de resolución de problemas. Ademais, logran taxas máis altas produtividade e innovación.
A tecnoloxía tamén pode ser utilizada para abordar problemas de xénero en todo o mundo. Por exemplo, están a desenvolverse aplicacións e plataformas en liña para axudar ás mulleres para denunciar o acoso sexual e a violencia de xénero.
Na xornada profundarase sobre temas de ciberseguridade, a seguridade nas redes sociais, a importancia que teñen, as canles de comunicación entre as cooperativas e as súas socias.
