- O Centro Rede Eusumo Fundación Feiraco (Ames) acolleu esta mañá a estudantes do CEIP Rosalía de Castro (Lugo).
- Participaron nunha charla informativa e percorreron as instalacións da cooperativa láctea.
- A actividade enmárcase na Rede Eusumo para o Fomento do Cooperativismo e a Economía Social.
07/06/2016
Técnicos de AGACA impartieron esta mañana una jornada didáctica sobre las ventajas del cooperativismo como fórmula de emprendimiento o de crecimiento laboral y económico para medio centenar de estudiantes de quinto curso de primaria del CEIP Rosalía de Castro, de Lugo.
Técnicos de AGACA impartiron esta mañá unha xornada didáctica sobre as vantaxes do cooperativismo como fórmula de emprendemento ou de crecemento laboral e económico para medio centenar de estudantes de quinto curso de primaria do CEIP Rosalía de Castro, de Lugo.
O alumnado aprendeu en qué consiste o modelo de negocio cooperativo e as súas vantaxes no ámbito profesional a través de varios exemplos de emprendemento e cooperativismo que se estableceron con éxito no mundo rural en diferentes campos de actividade, dende a artesanía ata o ocio ou a alimentación.
O obxectivo da actividade, enmarcada nun dos obradoiros de “Emprendemento e Cooperativas. Modelo de Negocio”, é darlles a coñecer este modelo de negocio así como mostrarlles de primeira man os pormenores do funcionamento dunha cooperativa; neste caso, percorreron as instalacións de Feiraco, dedicada ao sector lácteo.
Rede Eusumo
Fundación Feiraco funciona desde 2012 coma un dos Centros Rede Eusumo para a dinamización do emprendemento cooperativo. Asesoramento, orientación, formación, acompañamento nas iniciativas empresariais, apoio á internacionalización, celebración de encontros internacionais e transfronteirizos, intercambio comercial e cooperación transversal definen a rede transversal de colaboración Eusumo, nacida no 2011 co impulso da Consellería de Economía, Emprego e Industria.
