- Cincuenta socias da Cooperativa Lemos participaron esta mañá na xornada “Atrévete Contigo Mesma”, sobre empoderamento feminino.
- A Asociación Galega de Cooperativas Agroalimentarias (AGACA) e Obra Social “la Caixa” organizan a campaña.
Atrévete Contigo Mesma” ten como misión concienciar as socias de cooperativas tanto das súas propias capacidades como da importancia de que tomen cargos nos órganos de decisión das entidades.
A xornada comezou co relatorio “O papel da muller nas cooperativas agroalimentarias”, a cargo da técnica de AGACA e axente de igualdade de xénero Ruth Rodríguez. Mostrou o contraste entre a alta porcentaxe de mulleres asociadas e a súa escasa presenza y participación en órganos de representación e decisión das entidades, ademais de analizar posibles causas.
A continuación, a coach y técnica de AGACA Loli Couso guiou unha actividade en grupo coas 50 asistentes, onde se reflexionou sobre as aptitudes que as mulleres integrantes das cooperativas posúen, co obxectivo de darlles visibilidade e facer que elas mesmas identifíquenas e valoren.
Tamén se buscaron maneiras de eliminar os posibles obstáculos que as impiden tomar roles máis activos, como poden ser maneiras de lograr a conciliación entre a vida familiar e a profesional, ou os servizos e accións que as cooperativas poden adoptar para facilitar a paridade.
Interviñeron na xornada Eliseo Mariño e José Manuel Rodríguez, respectivamente presidente e xerente de Cooperativa Lemos, e Javier Rodríguez, director da Oficina de CaixaBank de Monforte de Lemos..
Compromiso coa igualdade
“Atrévete Contigo Mesma” forma parte da colaboración entre AGACA e a Fundación Obra Social “la Caixa” para desenvolver un plan de accións sociais que inclúe tamén iniciativas para o envellecemento activo, a incorporación de mozas á actividade agraria e o fomento do consumo diario de almorzos sans na infancia.
Desde 2015, cando naceu “Atrévete Contigo Mesma” , participaron na iniciativa máis de 500 mulleres.
