- Participantes no Obradoiro Dual de Empleo “Terras da Montaña II” asistiron esta mañá a un Obradoiro sobre economía social organizado por AGACA na SAT Casa Grande de Xanceda.
- A actividade forma parte da Rede Eusumo.
Esta mañá celebrouse na SAT Casa Grande de Xanceda un obradoiro “Divulgación do emprendemento e de experiencias cooperativas como modelo de éxito”, da Rede Eusumo, para aprender as características do cooperativismo como opción de negocio que pode xerar emprego e prosperar no medio rural.
Participaron 21 persoas procedentes do Obradoiro Dual de Emprego “Terras da Montaña II”, impartido en Sobrado dos Monxes coa colaboración dos Concellos de Curtis e Vilasantar, e centrado en viveiros e en todo tipo de tarefas relacionadas con xardinería.
Como exemplo de entidade que opera con éxito dentro do modelo da economía social, os estudantes visitaron as instalacións da Casa Grande de Xanceda, unha sociedade agraria de transformación que conta cunha das maiores granxas de produción ecolóxica con fábrica de produtos lácteos en Galicia.
A directora do Obradoiro Dual de Emprego, Ángeles Boado, valorou positivamente aprender como funciona unha sociedade agraria e afirmou: “Sorprendeu moito a cantidade de xente que traballa aquí e o seu interese desmesurado polo respecto ao medio ambiente e aos animais”.
Rede Eusumo
Esta actividade enmárcase no programa de actuación 2018 da Rede Eusumo. A Rede Eusumo é unha rede de colaboración impulsada pola Secretaría Xeral de Emprego da Xunta de Galicia para o fomento do cooperativismo e a economía social que conta co financiamento do Ministerio de Empleo y Seguridad Social.
03/07/2019
