- Corenta estudantes do CEIP O Piñeiriño (Vilagarcía de Arousa) participaron na actividade “Almorz@ con Beizos Brancos”, onde recibiron consellos sobre almorzos saudables con produtos galegos e sobre o proceso de transformación do leite.
- AGACA (Asociación Galega de Cooperativas Agroalimentarias) e Obra Social “la Caixa” organizan a iniciativa.
Un grupo de estudantes de cuarto curso de primaria do CEIP O Piñeiriño, en Vilagarcía de Arousa, participou esta mañá na actividade “Almorz@ con Beizos Brancos”, onde aprenderon as diferentes opcións que existen para comezar a xornada cunha correcta achega enerxética e con alimentos saudables, naturais e procedentes maioritariamente do mercado nacional, fronte aos almorzos pouco variados ou baseados en produtos procesados industrialmente.
Grazas ao formato lúdico e didáctico, os nenos e nenas puideron intervir coas súas suxestións de menú, que foron valoradas pola nutricionista María Fernández, a cargo de impartir a charla formativa. A modo de exemplo de almorzo san e completo, degustaron un menú formado por leite enteiro con cacao puro e mel, torradas de pan galego con aceite e froita.
Ademais, mediante un xogo en grupo, aprenderon os procesos polos que pasa o leite dende que é extraído na granxa ata que chega aos fogares, para dar visibilidade e pór en valor os empregos e a riqueza produtiva ligados ao sector agroalimentario galego.
Compromiso social
AGACA e Obra Social “la Caixa” poñen en marcha este programa para impulsar correcta alimentación dos nenos en nenas de Galicia e fomentar nos fogares hábitos alimentarios saudables, ademais de pór en valor os produtos do agro galego.
