- A través desta iniciativa AGACA busca introducir ás mulleres socias das cooperativas no uso e coñecemento das TIC.
- Onte tivo lugar o primeiro Taller, de nivel básico, onde unha decena de socias de Feiraco familiarizouse co Wathsapp e ás súas funcionalidades.
A raíz das múltiples accións de xénero que se levan desenvolvendo dende 2013, fortalecidas coa cadea de Xornadas “Atrévete contigo mesma” en marcha dende decembro, por toda Galicia, co fin de reforzar a autoestima das mulleres e animalas a participar nos órganos de goberno das cooperativas, téñense detectado áreas nas que as propias mulleres demandan máis formación.
Ao longo da tarde de mañá, xoves, terá lugar a segunda edición deste Taller, xa cun nivel máis avanzado, onde outro grupo diferente de socias de Feiraco terá ocasión de aprender a enviar mensaxes, gravar e enviar audios, fotos, engadir contactos, conectarse a unha wifi, crear grupos, elaborar listas de difusión, configuración e outras accións.
Dende o principio, Feiraco tense implicado coas diferentes iniciativas realizadas, chegando a crear incluso un grupo, “Mulleres de seu”, que demanda un bo número de accións neste senso.
Os talleres son impartidos pola axente de Igualdade e técnica de AGACA, Ruth Rodríguez.
