RESUMO ELABORADO POR AGACA
Pode consultar/descargar este resumo da Orde en “Documentación” (formato PDF) e consultar a Orde completa na ligazón “web”.
— ORDEN do 25 de novembro de 2025 pola que se establecen as bases reguladoras para a concesión de axudas destinadas á realización de certames de gando bovino selecto e se convocan para o ano 2026. Consellería de Medio Rural (DOG Nº 5, 09/01/2026).
OBXECTO
A finalidade inmediata desta orde é a promoción e difusión dos certames de gando bovino selecto criado en Galicia, mediante o fomento da celebración dunha rede de eventos que se realizarán en diferentes puntos da xeografía galega. Os obxectivos que se perseguen son o aumento de rendibilidade das explotacións gandeiras, modernización en materia xenética, sanidade e produción animal, mellora da eficiencia dos sistemas produtivos e formación de novos gandeiros.
Estas axudas tramitaranse polo réxime de concorrencia non competitiva.
O código de procedemento administrativo para dita axuda é MR562A
PERSOAS BENEFICIARIAS
Poderanse acoller a estas axudas:
1. Entidades locais, asociacións de persoas gandeiras, ncluídas as xestoras dos libros xenealóxicos, asociacións de persoas empresarias e outras entidades sen ánimo de lucro que organicen certames de gando selecto que dispoñan de instalacións axeitadas, conten con medios técnicos e persoais, dispoñan dun regulamento interno para as condicións de benestar animal, sanidade e calidade xenética, conten con autorización dos servizos veterinarios e coa colaboración da correspondente asociación de gandeiros recoñecida para a xestión do libro xenealóxico.
2. Para poder participar os animais deben proceder polo menos de 5 explotacións distintas pertencentes a polo menos 5 titulares diferentes. Procederán de explotacións galegas cualificadas sanitariamente. Estarán inscritos nos libros xenealóxicos das razas correspondentes e teñen que permanecer en explotacións galegas alomenos nos 12 meses previos á participación do evento.
ACTUACIÓNS SUBVENCIONABLES
– Selección e preparación dos animais do evento, estabulación e alimentación durante a celebración do certame: máximo 50 €/animal.
– Transporte de animais para o evento.
– Gastos de acondicionamento, seguridade e limpeza do recinto.
– Gastos administrativos de tramitación documental do certame.
– Custos publicitarios, material promocional ata un máximo de 10 €/animal.
– Gastos de seguros relativos á celebración do evento.
– Honorarios do persoal técnico: xuices, directores de poxa, veterinarios…
CONTÍA DAS AXUDAS
O importe máximo por evento será en función do número de animais:
| Número de animais | Razas aptitude láctea | Razas aptitude cárnica |
|---|---|---|
| 12 ou menos) | 4.000 € | 3.500 € |
| Entre 13 e 30 | 6.000 € | 5.000 € |
| Entre 31 e 60) | 10.000 € | 7.500 € |
| Entre 61 e 100 | 15.000 € | 10.000 € |
| Máis de 100 | 20.000 € | 15.000 € |
De celebrarse nun mesmo evento un certame dunha raza de aptitude láctea e un certame dunha raza de aptitude cárnica, o importe máximo subvencionable será a suma do importe de axuda correspondente a cada certame en función da raza e do tramo en que se atope, segundo o número de animais participantes.
O número máximo de eventos subvencionables por esta orde de axudas será de 2 por entidade solicitante.
PRAZO DE PRESENTACIÓN DE SOLICITUDES
Para os certames celebrados desde o 1 de novembro de 2025 ata a data de publicación desta orde: ata o 13 de febreiro de 2026.
Para os certames que se celebren despois da publicación desta orde: un mes contado desde o día seguinte ao da celebración do evento e coa data límite do 31 de outubro de 2026.
