- As cooperativas Aira e Paco&Lola foron onte escenario de xornadas sobre a ruptura da fenda dixital e a innovación nos negocios nun ciclo enfocado ao apoderamento feminino.
- A Asociación de Mujeres de Cooperativas Agro-alimentarias de España (AMCAE) organiza o ciclo.
A Asociación Galega de Mulleres de Cooperativas Agroalimentarias Nós, As Mulleres, a Asociación Galega de Cooperativas Agroalimentarias (AGACA) e as cooperativas Aira y Paco&Lola desenvolveron onte dúas xornadas do ciclo “Mulleres de Cooperativas comprometidas coa innovación no sector agroalimentario”, organizado por AMCAE e subvencionado polo Ministerio de Agricultura, Pesca e Alimentación. Abarca xornadas de diversas temáticas.
As socias da cooperativa Aira participaron na xornada Ideas Innovadoras de Negocio, cuxo obxectivo foi orientar sobre actividades agrarias dende o punto de vista do emprendemento e sobre producións complementarias a outros tipos de explotación. As opcións que se presentaron foron o cultivo de castaña, o de olivas e o de cogomelos shiitake, ademais da micorrización de árbores frondosas.
En Paco&Lola a xornada Salvando a fenda dixital para o apoderamento feminino partiu da premisa de que os equipos de traballo conformados por homes e mulleres acadan maior grao de resolución de problemas e maiores taxas de produtividade e innovación. Abordou o uso das novas tecnoloxías, a ciberseguridade, a seguridade en redes sociais e a súa importancia, así como as canles de comunicación entre as cooperativas e as súas socias.
As xornadas incluíron charlas acerca dos beneficios da titularidade compartida.
Subvenciona: |
Organiza: |
Colaboran: |
 |
