- O acto contará coa presenza dos conselleiros de Sanidade e Rural da Xunta de Galicia, a Alcaldesa de Santiago, o Reitor da Universidade de Santiago de Compostela (USC), o Decano da Facultade de Medicina da USC, o Xerente do Hospital Clínico Universitario de Santiago, a catedrática de Pediatría da USC e Presidenta da FEN, Rosaura Leis, e o presidente de InLac.
A Presidenta da Fundación Española da Nutrición (FEN), Rosaura Leis e o Presidente da Organización Interprofesional Láctea (InLac), Daniel Ferreiro, presentarán o próximo 20 de novembro o “Libro Branco dos Lácteos”, que representa un fito significativo no ámbito da nutrición e a divulgación científica, ao ofrecer un compendio exhaustivo e actualizado sobre os lácteos e o seu papel fundamental na alimentación e a saúde.
A obra, coordinada por Rosaura Leis Trabazo, presidenta da Fundación Española da Nutrición (FEN) e catedrática de Pediatría da Universidade de Santiago, consta de sete módulos, trinta e cinco capítulos (todos eles en formato DAFO) e conta coa colaboración e autoría de máis de cincuenta expertos de recoñecido prestixio no mundo científico-académico, de diversas procedencias e especialidades, abordando todo o coñecemento existente sobre os lácteos en España. Entre os coordinadores de cada módulo, xunto a Rosaura Leis, figuran expertos da talla de Gregorio Varela, Federico Lara, Javier Fontecha, Ángel Gil, Rafael Urrialde ou Carmen Cuadrado.
O acto contará coa presenza dos conselleiros de Sanidade e Rural da Xunta de Galicia, a Alcaldesa de Santiago, o Reitor da USC, o Decano da Facultade de Medicina da USC, o Xerente do Hospital Clínico Universitario de Santiago a catedrática Rosaura Leis e o presidente de InLac. España é un país de lácteos. Os datos falan por si sós: A cadea de produción, transformación e comercialización da lácteo factura ao redor de 12.700 millóns de euros ao ano e xera máis de 70.000 empregos directos.
