- A cooperativa Milhulloa (Palas de Rei) recibiu hoxe ao alumnado do CFEA de Sergude (Boqueixón) e o luns ao do IES Félix Muriel (Rianxo) en senllos obradoiros sobre economía social.
- As actividades, organizadas pola Asociación Galega de Cooperativas Agroalimentarias (AGACA), enmárcanse na Rede Eusumo para o fomento do cooperativismo e a economía social.
Un grupo de estudantes do Centro de Formación e Experimentación Agroforestal de Sergude (Boqueixón), esta mañá, e 40 estudantes do IES Félix Muriel (Rianxo), o luns, aprenderon en Milhulloa cualidades que fan das cooperativas un modelo de negocio sustentable e estable no medio rural, nos obradoiros “Divulgación do emprendemento de experiencias cooperativas como modelo de éxito”.
AGACA organiza as actividades, promovida por Rede Eusumo, para dar visibilidade á economía social como opción para forxar unha carreira profesional ao rematar os estudos.
Milhulloa é unha cooperativa dedicada á produción de especias, herbas medicinais, cosméticos e outros produtos derivados do campo, algún de forma ecolóxica. Persoal da entidade explicou ao alumnado o proceso de cultivo, de preparación, de secado e de envasado dos seus produtos, así como as distintas fases que pasou a cooperativa no seu camiño cara a constituírse como un negocio rendible.
Rede Eusumo
Esta actividade enmárcase no programa de actuación 2019 da Rede Eusumo. A Rede Eusumo é unha rede de colaboración impulsada pola Secretaría Xeral de Emprego da Xunta de Galicia para o fomento do cooperativismo e a economía social que conta co financiamento do Ministerio de Emprego e Seguridade Social.
[row][double_paragraph][ot-caption title=”Estudantes do IES Félix Muriel (Rianxo) visitaron Milhulloa o 8 de abril. ” url=”https://agaca.s3.eu-west-3.amazonaws.com/2019/04/20190408_Eusumo_IES_Felix_Muriel-visita-milhulloa.jpg”][/double_paragraph][double_paragraph] [ot-caption title=”Alumnado do CFEA de Sergude en Milhulloa, o 10 de abril.” url=”https://agaca.s3.eu-west-3.amazonaws.com/2019/04/20190410_Eusumo_CFEA-Sergude_Milhulloa.jpg”][/double_paragraph] [/row]
