- Cambados (Pontevedra), situada no corazón das Rias Baixas, é o lugar representativo do viño albariño e executará o próximo ano 80 actividades de enoturismo
Os Rías Baixas terán unha oportunidade única no próximo ano de darse a coñecer en maior medida internacionalmente, grazas a este galardón outorgado a Cambados.
A Cidade Europea do viño é unha cidade relacionada directamente coa produción do viño e situada en zonas protexidas por denominación de calidade dos seus viños. O seu obxectivo principal é dar a coñecer a cultura, paisaxe, gastronomía e patrimonio a través de actividades culturais, formación e sensibilización.
Os requisitos que ten que cumprir para ser elixida unha cidade son: ser membro de RECEVIN (Rede Europea de Cidades do viño), non ser elixida na convocatoria do ano anterior, ser unha cidade española (en 2017 tócalle a España) e cumprir cos requisitos formais das bases.
Cada ano a elección céntrase nun país. O país elixido para o 2017 é España onde as finalistas elixiranse entre os socios que se presenten, mentres que no ano 2018 a cidade nomeada recaerá entre os socios alemáns, búlgaros, húngaros, serbios ou eslovenos.
As cidades elixidas en anos anteriores foron:
2016: Conegliano e Valdobbiadene (Italia),
2015: Reguengos de Monsaraz (Portugal),
2014: Xerez da fronteira (España),
2013: Marsala (Italia)
2012: Palmela (Portugal)
En 2017 concorrían ademais de Cambados, Aranda de Douro, La Palma del Condado e Villafranca do Penedés.
Cambados xa se presentou ao concurso de Cidade do Viño de 2014, pero entón perdeu ante Jerez de la Frontera.
[ot-video type=”youtube” url=”https://www.youtube.com/watch?v=S5EI2dSN1uo”]
