COMUNICADO DE PRENSA: COOPERATIVAS AGRO-ALIMENTARIAS DE ESPAÑA
- Con ao redor de 6.376 hectáreas de autorizacións de novas plantacións, é dicir o 1% da superficie vitícola nacional, Italia será o país co maior nivel de novas plantacións que poderán ser plantadas no curso dos tres próximos anos, seguido de España con 4.173 hectáreas, o 0,43% do viñedo español, e de Francia con 3.589 hectáreas, o 0,45% de viñedo francés.
“No primeiro ano de aplicación compartimos e apoiamos a elección realizada polo noso Ministerio de aplicar un sistema simple, cun mecanismo de salvagarda da competitividade da viticultura rexional”, declarou Ruenza Santandrea, representante da Alianza de Cooperativas Italianas Agroalimentarias, no marco dos intercambios cos seus homólogos franceses e españois, “e iniciamos conversacións internas coas organizacións profesionais para estudar algunhas melloras para 2017”.
Thierry Custo, en nome da Confederación de Cooperativas Vitícolas de Francia, ademais Presidente do Grupo de Traballo do Copa-Cogeca, declarou: “O novo réxime é un gran paso adiante comparado coa decisión política de 2008 de liberalizar o sector, soubemos aplicar un sistema que respecta as especificidades das nosas rexións e traballaremos para que no futuro sexa aínda máis eficaz?”
Ángel Villafranca, presidente de Cooperativas Agro-alimentarias de España e da sectorial do viño, sinalou que “o sistema de autorizacións é o máis adecuado ao sector do viño e adáptase perfectamente á realidade do mercado”.
Durante o encontro, os representantes das tres organizacións abordaron igualmente a cuestión dos posibles mecanismos de estabilización do mercado que se poderían abordar na regulamentación comunitaria en caso de crise, tema sobre o cal acordaron traballar noutro encontro o próximo outono.
Alleanza delle cooperative – Agroalimentare. www.alleanzacooperative.it
Con 493 adegas cooperativas asociadas, representa o 58% da produción de viño italiano. Estas adegas agrupan a 179.000 socios, 1/4 das cales son mulleres. En relación ao emprego contan con 8.700 persoas, dos cales o 67% son indefinidos. O 29% dos traballadores son mulleres. A facturación global da Alianza de cooperativas alcanza os 4.300 millóns de euros, dos que o 43% proveñen das exportacións.
Confédération des coopératives vinicoles de France. www.vignerons-cooperateurs.coop
A Confederación de Cooperativas Vitícolas Francesas, CCVF, ou Vignerons Cooperateurs de Francia, representan ao conxunto de adegas cooperativas, as unións de adegas cooperativas e os viticultores cooperativistas, a través da súa rede de federacións departamentais e rexionais de adegas cooperativas. En 2014 as 650 adegas cooperativas e as súas unións representaron o 48% da produción, sen contar con Charentes, actualmente o 65% dos viticultores franceses están asociados a unha adega cooperativa.
Cooperativas Agro-alimentarias de España. www.agro-alimentarias.coop
Cooperativas Agro-alimentarias de España é a organización que representa a 3.838 cooperativas españolas e a máis dun millón de socios. A facturación das cooperativas alcanzou os 26.183 millóns de euros en 2014. Na Organización hai 448 adegas cooperativas que representan en 60% da produción vitivinícola de España.
