COMUNICADO DE PRENSA: PONT-UP STORE
- O Pont-Up Store é unha iniciativa de apoio ao emprendemento, aberta a toda a cidadanía, e que centra os seus esforzos no incremento da cultura emprendedora na sociedade. Terá lugar do 22 ao 24 de setembro en Pontevedra.
- No marco do Campus Crea este encontro é unha decidida aposta pola creatividade e o emprendemento para o desenvolvemento persoal e da sociedade en xeral.
- Tralo éxito das pasadas edicións, o Pont Up Store 2016 consolídase como ESPAZO DE REFERENCIA DO NOVO EMPRENDEMENTO en Galicia.
Unha experiencia única e transformadora na que se van dar cita miles de persoas en torno á creatividade, o emprendemento e as súas tendencias. Poderás participar nun extenso programa de charlas, mesas redondas, obradoiros, networkings e demostracións, con poñentes de primeiro nivel que veñen compartir as súas experiencias, o seu coñecemento e o seu tempo cos participantes.
Un encontro no que se reúnen emprendedores, profesionais, estudantes, inversores, institucións, empresas, patrocinadores e medios de comunicación, para apoiar a innovación, a colaboración, a formación, o financiamento e o emprendemento creativo.
Inscribe a túa empresa a través da web pontupstore.com. Podes escoller entre 3 modalidades de participación gratuítas:
— Ata o 30 de xuño: Dispoñer dun stand sen custo durante dous días // Propoñer actividades para o programa.
— Do 1 ao 15 de setembro: Participar no speed dating “Puntazo Express”, onde terás a posibilidade de presentar o teu proxecto emprendedor a importantes empresas e entidades.
Poes solicitar unha ou varias opcións cun mesmo ou diferentes emprendementos. A finalización de recepción de candidaturas é o día 30 de xuño.
