- Dous grupos de estudantes de primaria do CEIP Insua Bermúdez (Vilalba) visitaron onte e esta mañá a Fundación Terra de Trasancos (O Val) para participar en charlas de divulgación do cooperativismo impartidas por técnicos de AGACA.
- As actividades forman parte da Rede Eusumo para o fomento do cooperativismo e a economía social, da Consellería de Economía, Emprego e Industria.
Un grupo de aproximadamente 50 estudantes de quinto e sexto curso de primaria do colexio Insua Bermúdez, de Vilalba, participou onte nunha charla na que se lles explicará en que consiste o modelo de xestión cooperativo e as vantaxes que presenta á hora de emprender ou manter unha iniciativa empresarial, ademais de darlles a coñecer diferentes iniciativas emprendedoras desenvolvidas no medio rural que tiveron éxito en diferentes sectores económicos.
Esta mañá, outro medio centenar estudantes do mesmo centro educativo tomará parte na actividade da Rede Eusumo.
Ambos os grupos de estudantes visitarán tamén as instalacións da cooperativa Santa María do Val, para comprobar de primeira man o funcionamento diario da cooperativa, que se dedica ao sector hortícola, á comercialización de produtos e á prestación de servizos agrícolas.
Seis anos de Rede Eusumo
Asesoramento, orientación, formación, acompañamento nas iniciativas empresariais, apoio á internacionalización, celebración de encontros internacionais e transfronteirizos, intercambio comercial e cooperación transversal definen a rede transversal de colaboración Eusumo, nacida no 2011.
