- A Unión de Cooperativas AGACA ofrece ás cooperativas socias a realización gratuíta da Memoria de Responsabilidade Social Empresarial (RSE).
- Interésache? Contacta con Higinio Mougán (director-xerente de AGACA) en agaca@agaca.coop.
A Responsabilidade Social Empresarial (RSE) atende de forma integrada as cuestións ambientais, económicas, laborais e sociais.
A RSE é un reto para as cooperativas que desexan, de xeito voluntario, asumir os valores éticos necesarios para operar nun mercado e ter a lexitimidade concedida por todos os axentes e grupos de interese cos que se relaciona a cooperativa.
No traballo diario, as cooperativas están facendo responsabilidade social aínda que non son conscientes de que a fan. O día a día da actividade das cooperativas serve para aportar miles de grans de area neste proceso de desenvolvemento sostible e socialmente responsable. Pola contra, as cooperativas non o saben, non o consideran, non o “monitorizan”.
Son moitas as razóns para traballar na implantación da responsabilidade social:
- Razóns de xestión interna, relacionadas con unha activa xestión laboral, social e medioambiental.
- Facilita a obtención de datos co fin reaccionar e anticiparse ante decisións estratéxicas da empresa.
- Mellora da imaxe da cooperativa: A memoria de RSE serve para resaltar as contribucións sociais e ambientais da cooperativa e as propostas de sustentabilidade dos produtos e servizos.
- Maior puntuación nalgunhas axudas e contratos coas administracións públicas: Cada vez máis administracións están incorporando consideracións de sustentabilidade e responsabilidade social como criterios de acceso a axudas e valoración e mellora nos procesos de contratación pública.
- Esixencias legais, xa que a normativa pode obrigar ás cooperativas a controlar o seu impacto social e medioambiental.
- Demandas dos grupos de interese, con presións internas e externas. Traballadores/as, socios/as, veciñanza, administración, clientela, empresas de subministradoras, bancos, mutuas etc.. Cada vez teñen máis importancia as relacións con partes externas, xa sexan consumidores/as, inversores/as o agrupacións que constitúen un factor fundamental para o éxito empresarial.
AGACA está a traballar no fomento da RSE nas cooperativas agrarias de Galicia dende o ano 2005, polo que xa se realizaron máis dunha ducia de Memorias.
A partir de 2017 traballamos dende o Programa Rede Eusumo co apoio do software oficial Xunta PRO RSE-Pro. A cooperativa deberá só comprometerse a pasarnos os datos e información requeridos; a elaboración corre a cargo do noso persoal técnico.
