- Esta mañá estudantes do CEIP de Teixeiro (Curtis) participaron nunha xornada didáctica sobre cooperativismo na Fundación Feiraco, situada en Ames, e estudantes do IES Terra de Turonio (Gondomar) fixeron o mesmo en Condes de Albarei, situado en Cambados.
- As actividades forman parte da Rede Eusumo, para impulsar o cooperativismo e a economía social. .
Técnicos de AGACA impartiron esta mañá dúas charlas a sobre as características da economía social. Unha actividade tivo lugar na coperativa láctea Feiraco ( Clun) agora en Ames, para 36 estudantes de cuarto, quinto e sexto de Primaria do colexio de Teixeiro. Outra actividade dirixiuse a uns 40 estudantes de Secundaria e Formación Profesional do instituto Terra de Turonio (Gondomar) e acolleuna os cooperativa Condes de Albarei.
Destacáronse, como calidades das cooperativas, a toma democrática de decisións e a distribución equitativa de beneficios, ademais da súa adaptabilidade a todo tipo de sectores produtivos e de servizos.
Os escolares de Curtis, que visitaron a cooperativa láctea, puideron, ademais, coñecer de primeira man o proceso de transformación do leite. O alumnado do Terra de Turonio, pola súa banda, visitou os viñedos e instalacións de Condes de Albarei e Pazo Baión para aprender sobre viticultura.
Rede Eusumo
Estas actividades enmárcanse no programa de actuación 2018 da Rede Eusumo. A Rede Eusumo é unha rede de colaboración impulsada pola Secretaría Xeral de Emprego da Xunta de Galicia para o fomento do cooperativismo e a economía social que conta con financiamento do Ministerio de Emprego e Seguridade Social.
